25.7 C
Dili
Thursday, 20 June 2024
spot_img

Mushila FC Sai Manan-Na’in ho 1-0 Iha Jogu Kontra FC Mota-Ain

Dili, 31 Maio 2024 (RCC)–kopa Fftl ba tinan ne’e jogu Entre Mushila FC Kontra mota-ain Fc Rezulta 1-0 ne’ebé marka golu husi jogadór Mario Quintão ho numeru kamizola 11 Iha Estadiun municipal, Dili.

Iha entrevista ho Natacia Jaquelina Do Carmo nu’udar manejer iha grupu Mushila Fc hateten ba jornalista sira, nia parte sente kontente tanba haree ba rezultadu jogu nian, no sira nafatin haka’as a’an hodi mantein sira nia pozisaun iha torneiu ida ne’e.

“Ami hetan vitoria ami senti kontente tanba haree ba rezultadu semana rua liuba, entaun ami tenki haka’as a’an atu nune’e hetan vitoria nune’e ami bele mantein posizaun iha torneiu ida ne’e, ho rezultadu penalidade ida ne’ebé mak sira la susesu, ami nia parte ami senti kaman no hakmatek, tanba sira la konsege manan, maibé kontinua ba oin ami sei nafatin fó hatene ba jogadór sira liu-liu ba defeza atu kuidadu ho sira nia tékniku no táktiku durante iha area sanulu resin ne’en nia laran, atu nune’e labele prezudika ekipa, tanba ami presiza tebes manan atu nune’e bele mantein ami nia posizaun iha torneiu tuir mai.” Nia informa.

Iha sorin seluk, Nidio Neto nu’udar treinadór iha grupu Mota Ain informa, dahuluk nia hakarak kongratula ba nia jogadór sira, tanba sira hatudu duni rezultadu husi saida mak durante ne’e sira prepara.

“Dahuluk ha’u hakarak kongratula ha’u nia jogadór sira, tanba sira hatudu rezultadu husi saida mak durante ne’e ami treinu, hodi prepara ba jogu ida ne’e, sira hatudu di’ak, maibé ami falta ho sorte, tanba ami hetan oportunidade atu halo jogu ida ne’e iha penalti, maibé ami nia jogadór la uza oportunidade ne’e ho di’ak,ho nune’e ami senti falta uitoan tanba segunda parte tama seidauk to’o minutu lima ami sofre golu ne’e tanba, iha failansu iha kotuk tanba laiha konsentrasaun di’ak tanba distansia tempu naruk, maibé sira tama sira sofre golu ida ne’e ho nune’e ha’u tenki ba servisu barak, tanba iha jogu tuir mai ha’u tenki muda ba rekolla pontu tolu nune’e ha’u nia ekipa avansa iha faze tuir mai.” Neto informa.

Treinadór ne’e salienta tan katak, nia sei hadia failansu hirak ne’e iha jogu tuir mai, atu nune’e bele sai di’ak liu tan.

 “Haree ba oráriu, ami sei joga iha loron 28 juñu, maibé agora foin loron 31 ne’ebé ha’u sei fó feriadu ba jogadór sira, tanba ohin sira hatudu maximu  91% di’ak tebes, entaun sira feriadu uitoan, atu nune’e semana oin hafoin ami kontinua treinu fila fali, maibé ami sei hadia failansu sira hanesan ohin ha’u ko’alia ona, failansu tanba deskansa kleur ho nune’e, dala-ruma tanba malirin, kakutak seidauk manas, entaun sofre iha golu hafoin avansa fali, entaun ho ida ne’e, ha’u sei hadia iha ami nia kampu, atu nune’e iha joga tuir mai, bele di’ak liu fali jogu ida ne’e.” Neto hakotu.

Jornalista estajiada: Adelia Mendonça

Editor: Luhamutu

Related Articles

- Advertisement -spot_img

Latest Articles

ARKIVU.
RCC.