Dili, 4 Juñu 2024 (RCC)- Oituan ka Barak Servisu Hamutuk Neneik Maibe Bebeik sei halo desenvolvimentu ba ita nia rai rasik
iha intervista na’in ba fatin fase kareta ho motor Leopoldo Ximenes Belo hateten esperiensia ne’ebé nia iha lakohi husik le’et de’it , iha inisiativu hodi loke rasik kampu traballu ba nia familia no ema sira ne’ebé maka hakarak servisu atu sustenta sira nia moris loro-loron nian .
“ha’u nia konsensia rasik la iha ema ida mak motiva hau, maibé hau iha modal ituan no ha’u haree familia uma laran barak mak eskola hotu ona la servisu, entaun ida ne’e henesan fahe hela esperensia ida ba sira au mesmu tempu fo hela oportunidade ba sira atu servisu,hau mesak mak loke no traballadór na’in lima mak servisu iha ne’e, maibé tempu ne’ebe sira sebuk liu entaun hau mós tenki ajuda sira, loron ida ami hetan osan depende ba klente sira de’it, tempu udan ema la dun mai entaun ami bele hetan rendametu $25 ou $20 se tempu bai-loron ami hetan to’o $100, ami fase kareta bo’ot ida ema selu $5 kareta kiik $3 no motor $1, kada fulan hau selu salario ba traballadór sira tuir estandar SEFOPE nian ema ida $115 no balun hela tan iha ne’e han hemu dader to kalan hau mak haree hotu ne’ebé hau selu sira tuir estansar ne’ebé SEFOPE fó sai ona, fatin ne’ebé hau uza hodi fase kareta ho motor ne’e hau aluga, kada fulan hau selu ba rai na’in $500, material sira ne’ebé ami uza hodi fase kareta ho motor mak hanesan mesin generator manger ho bee, material hirak ne’e la iha ema ida mak ajuda ami, maibé ami rasik mak sosa, bee ne’e hau selu ema mak baku, no osan ne’ebé hau hetan uza ba nesesidade uma laran no balun selu oan sira nia eskola balun uza hodi halo kultura.”hateten Leopoldino
Nia mós fo mensagem ba joven sira katak labele hein de’it servisu iha kantor maibe liu husi servisu burkasar mós bele hetan osan.
“servisu ne’e la’os hotu-hotu tur iha kantor mak dehan servisu maibé lui husi buat sira hanesan servisu ida ba ita atu buka osan, ezemplu hanesan servisu fase kareta ho motor sei ita la kria entau ema sira husi estranjeiru ne’e mai kria entaun ita rai na’in sei fali bainaka ho buat sira hanesan ne’e mak motiva hau hodi loke servisu ne’e, ituan ka barak ita hotu servisu hamuk neneik bebeik maibe se ba oin hodi desenvolvementu ba ita nia rai.”haktuir nia
iha sorin seluk traballadór Jose Lemos Da Costa hateten osan ne’ebé sira hetan balun selu kos no balun selu alin sira eskola no nesesidade uma laran.
“servisu fase motor ho kareta ne’e bele todan, maibé ami nafatin pasensiesia hodi servisu tamba, de’it atu buka osan no la iha ema ida mak motiva hau, maibé hau rasik mak hakarak mai servisu duni iha ne’e, se ita mai hela dili mak ita la buka servisu se mak atu fó osan ba ita, di’ak liu buka servisu hodi haree ba alin sira nia eskola, ne’e mak ita hakarak mai hela iha dili para buka servisu, se ita halimar de’it, ita se la hetan osan, hau servisu iha tinan ida ona hahu husi tinan 2023 to’o agora, oras ne’ebé ami tama servisu mak hanesan tuku 8:00 dader ami tama toku 7:30 kalan ami sai, no se mak hakarak kontinu nafatin bele to’o toku 9:00 kalan mak bele fila, ne’e hanesan patraun fo bonus mai ami,, kada loron ida ami hetan osan depende ba kliente sira de’it, ami fase kareta bo’ot ida ema selu $ 5 kareta kiik $ 3 no motor $1 kada fulan patraun selu ami ho orsamentu $115, osan ne’ebé hau hetan balun selu kos no balun selu alin sira eskola no nesesidade uma laran, osan ne’ebé hau hetan pesoal hau senti la sufisente maibé pasensia hodi buka nafatin, hanoin atu buka maske bele todan maibé la kolen no baruk atu buka osan, mane ne’e keta moe atu servisu servisu saida mak iha servisu de’it nauk mak labele maibe buka rasik ne bele”. hakotu nia
Jornalista: Augusto Tilman
Editor: Luhamutu
