Dili, 03, Juñu 2024 (RCC) Governu liu husi Ministerio Saude ba tinan ne’e sei lansa vasinasaun foun ho naran virus papiloma humana hodi prevene moras kankru serviku ba labarik feto sira ho idade 11 ate 14, iha territoriu laran tomak.
Iha entrevista ho direktóra nasionál Edukasaun ba Promosaun Saude Emelia de Jesus Alves Mendonsa hateten vasina ida ne’e tuir planu sei lansa iha loron 22 fulan jullu tinan ne’e iha komemorasaun loron asional saude nian.
“Hanesan Ita Boot Sira Akompanha Ho Prezensa Ix Governu Nian Hahu Tinan Ida Ne’e ministeriu saude sei introdus vasina foun ne’e ita hanaran HPV ka virus papiloma humana, vasina ida nee ita sei fo ba labarik feto ho idade sanulu resin ida 11 to’o iha idade sanulu resin ha’at 14, no nia alvu mak eskola sira, no mos ho ita nia oan sira ne’ebe la hetan biban iha eskola, no agora vasina ida ne’e tuir planu ita sei lanssa iha 22 fulan jullu iha komemorasaun loron nasional saude nian, ho nune’e molok tama ba iha lansamentu, ho diresaun nasional kuidadu saude primaria no diresaun nasional edukasaun no promosaun saude presija introdus vasina ne’e rasik liu husi atividade advokasia ba iha komunidade sira, tan ne’e ohin loron ita hahu advokasia dahuluk ho media sira, tamba media nia papel importante tebes, papel media nian hanesan liman ain ba governu atu introdus imformasaun husi vasina HPV ne’e rasik ba ita nia oan feto sira hodi prevene labarik sira iha futuru husi moras kankru serfiku, no agora vasina ne’e rasik seguru tamba liu ona husi teste ho kualidade husi vasina ida ne’e, husi OMS no mos ita nia governu liu husi naitaps sira haree katak vasina ida ne’e seguru no ita sei fo ba ita nia ona sira bainhira ita halo lansamentu ne’ebe sei hahu iha loron 22 jullu tinan ida ne’e, ho nune’e ohi ita halo atividade advokasia ne’e atu nune’e bele fahe imformasaun sira liu husi kanal media ba ita nia komunidade sira katak iha tinan ida ne’e nia laran governu liu husi ministeriu saude sei introdus vasina ida ne’e ba ita nia komunidade ho nune’e husu ba inan aman sira atu desponibiliza ita nia oan sira hotu, atu partisipa iha vasinasaun ida ne’e, tamba ita hotu hatene katak moras ida kankru serfiku nia finalidade ne’e bele halokon ema nia vida bainhira la halo tramentu ho seriu, entaun prevensaun governu nian haree katak ita presia halo ona prevensaun ba tinan lima to’o tinan sanulu oin mai ba timor oan sira liu-liu ba labarik feto sira bele seguru ba ameasa ba kankru serfiku nian. Dehan direktora iha salaun enkontru palasiu de Sinsas Caicoli dii.
Direktór ne’e mos imforma tan katak ba inan aman sira labeleduvida ba vasina refere tamba vasina ida ne’e seguru tebes ba ona feto sira sekarik duvida bele hakat ba sentru saude sira ne’ebe besik atu hetan imformasaun ne’e relasiona ho vasina ne’e.
“Relasiona ho kampaña ne’ebe iha ami ministeriu saude iha maneira oin-oin hodi hala’o hodi fahe mensajen ba ita nia komunidade sira, maneira ida mai liu husi media sira ida ne’e importante tebes ami mos halo advokasia ba iha autoridade lokal sira ida ne’e ita sei halo iha nivel postu saude ho ita nia autoridade lokal ita nia voluntariu saude komuntaria sira, ita nia xefe suku ho xefe aldeia sira iha eskola inan aman no ita mos sei fahe imformasaun ba parte igreja sira ho nune’e atividade ida aban ne’e atividade ida ne’e importante tanba ita sei envolve lider sira ne’ebe mak influensiadór katak bainhira influnsiadór sira tun hanesan parte relijiozu parte governu no sosiedade civil influensia katak vasina ida ne’e seguru tebes ba ita nia oan feto sira, tamba ne’e inan aman sira bele duvida, Binhira inan aman sira duvida tenke hakbesik an ba sentru saude sira ne’ebe besik atu hetan orientasaun ho nune’e haruka imi nia oan sira mai hola parte iha simu vasina HPV ida nee.” Hakotu emelia.
Journalista: Sergio Borges
Editor: Luhamutu
