Dili, 3 De Juñu 2024 (RCC) Iha Semana Ne’e Autoridade Protesaun Civil Rejista Kazu Dezastre Naturais Hamutuk Uma Kain 225 No Afetadu Ba Membru Familia Hamutuk 323
Iha komunikandu ne’e xefe seksaun Relasaun Externa Autoridade Protesaun Civil Nelson Nunes de Orlens hateteten kazu hirak ne’ebé APC rejista liu-liu iha Munisipiu sira hanesan, Ainaro, Baucau, Covalima, Manufahi no Viqueque.
“Hahu husi loron 27 to’o iha 3 fulan junhu durante semana ida ne’e iha rejiaun timor leste normal ho tipu dezastre mak hanesan apc rejista ona hamutuk uma kain 225 mak hetan dezastre ho total membru familia afetadu hamutuk 323 liu-liu iha munisipiu sira hanesan tuir mai ne’e, munisipiu Ainaru anin sobu uma ida, Baucau koflitu social estragus uma hamutuk 13, Covalima bee sae estagus uma kain 171 Munisipiu Manufahi,estragus uma kain 36 Viqueque anin sobu uma ida ahi han uma ida no RAEOA anin sobu uma rua, ho nune’e husi parte komando APC halo kedas rejistrasaun ba vitima dezastre sira durante hetan dezastre refere, ne’e mak hanesan food ho nonfood ba vitima sira, kuaze miltall ona, halo hahu husi janeiru to’o junhu, maibe hau hakarak akresenta katak hahu husi janeiru to’o iha fuan ida nee husi parte Autoridade Protesaun Civil no mos husi sekretariu estadu protesaun civil halo ona rekuperasaun ba iha munisipiu ha’at hanesan iha Ermera Manufahi Lautem no Ainaro”. Nelson imforma iha sala Komferensia Imprensa Autoridade Protesaun Civil Caicoli, Dili
Xefe seksaun ne’e mos akresenta tan katak sira prontu ajuda vitima sira ne’ebe hetan eviksaun iha sidade dili, maibe oras ne’e dadaun sira seidauk hetan despachu ida husi sekretariu estadu Toponomia no mos presidente autoridade munisipiu dili hodi servisu hamutuk ho autoridade protesaun civil.
“Ami husi autoridade protesaun civil prontu nafatin atu ajuda maibe bazeia ba despachu husi ita nia bo’ot sira, ba iha sekretario estadu protesaun civil, ne’e duni ami prontu nafatin atu servisu hamutuk ho sektores oin-in liu-liu ba sira ne’ebe vitima ba eviksaun ba iha capital dili, no hau sente katak ami husi autoridade protesaun civil seidauk iha despachu ida husi sekretariu estadu toponomia no mos husi autoridade munisipal dili ninian, maibe ami prontu atu halo servisu kona-ba ida ne’e, klaru katak ami servisu bazeia ba despachu ne’ebe iha, tan ne’e hanesan ita bo’ot sira hatene katak ami nia servisu haree liu ba iha dezastre naturais, ho nune’e iha dezastre ami prontu tun ba ajuda maibe karik husi parte sekretariu estadu toponomia no mos husi presidente autoridade munisipiu dili hala’o koperasaun ho autoridade protesaun civil, entaun husi parte ami nian prontu hodi halo kolaborasaun servisu.”hakotu orleans
Jornalista: Sergio Borges
Editor :luhamutu
