27.3 C
Dili
Friday, 14 June 2024
spot_img

Idade Ne’ebe Ki’ik la Sai Sasukat ba Adelino ho Albino Hodi Buka Osan

Dili,07 Junhu 2024 (RCC)-Adelino Dos Santos Colo ho Tinan 11 no Albino Dos Santos Tella Tinan 10 Hakarak Fa’an Mantolun no Sigaru Tuir Dalan Ninin Hodi Buka Osan ba Ajuda Inan Aman.

Iha entrevista ho Adelino dos Santos Colo hateten, nia hakarak fa’an mantolun iha dalan ninin hodi hetan osan ba ajuda inan aman no mos uza hodi sosa kadernu ho lapizeira.

“Ha’u hakarak fa’an mantolun hodi ajuda apa ho ama sira uza ba presiza lor-loron nian,  no  osan ne’ebé hetan husi fa’an mantolun ne’e uza mós ba sosa kadernu, lapizeira, no balun sosa modo ba han, kada loron ida  ha’u fa’an mantolun rak ida, mantolun ne’ebé ha’u fa’an hola iha loja ho nia folin Rak ida 4 dolares 90 sentavus , hafoin ha’u fa’an fali to’o hotu hetan nia funan  3 dolares, no osan ne’ebé ha’u hetan balun lori mai tau hamutuk hodi uza ba hola roupa, foos ba han no balun fó ba apa ama, ha’u sai husi uma mai fa’an mantolun hahu tuku 8 lae tuku 9 dader lao husi foment 1 to’o mai iha merkadu manleuana, no fila fali ba uma  tuku 11  lae tuku 12  meiudia, loron ida mak mantolun ema sosa la hotu hau senti triste, tanba ha’u lori rak ida de’it,maibé dalaruma la hotu, no problema ne’ebe ha’u  hasoru mak fa’an mantolun ema hirus no duni ami husi fatin ne’e hodi ba fa’an fali iha fatin seluk, maibé ami nafatin pasiénsia hodi fa’an nafatin iha ne’e , tanba ha’u husu ba kolega sira,  koko ajuda ama apa hodi fa’an saída de’it mak iha hodi hetan osan atu nune’e hola saida mak ita presiza,” dehan Adelino.

Iha fatin hanesan Albino dos Santos Tella ho tinan 10 hakarak fa’an mantolun ho sigaru hodi hetan osan atu uza sosa sasan sira ne’ebé mak nia presiza.

“Hakarak fa’an mantolun ho sigaru atu  hetan osan hodi uza ba hola roupa, no kada loron ida fa’an mantolun Rak ida to’o hotu hetan fali 7 dolares,50 sentavus, osan ne’ebé hetan husi fa’an mantolun tau hamutuk hasai fali hodi hola sasan sira ne’ebé mak ha’u hakarak, hau mai fa’an mantolun iha ne’e hahu tuku 8 dader no fila fali ba uma tuku 5 lokraik, no mantolun ne’ebé fa’an ha’u sosa iha loja  ho  folin 4dolares,50 sentavus, hafoin  fa’an fali to’o hotu hetan osan funan 3 dolares, liu husi biban ne’e ha’u hakarak husu ba kolega sira se bele  ajuda apa ho ama hodi fa’an sigaru no mantolun,  atu nune’e bele hetan osan hodi uza rasik, labele hein de’it inan ho aman mak buka osan hodi fo mai ita,”. Nia hakotu.

Jornalista Estajiada : Romana Soares Salsinha

Editor                      : Luhamutu

Related Articles

- Advertisement -spot_img

Latest Articles

ARKIVU.
RCC.