27.3 C
Dili
Friday, 14 June 2024
spot_img

Joven Lalika Depende Liu ba Inan Aman Tenke Buka Osan ba A’an Rasik

Dili, 07 Junhu 2024 (RCC)-Joven Lalika Depende Liu ba Inan Aman, Tenke Buka Osan ba A’an Rasik Hodi Uza ba Presiza Loro-Loron no Bele Selu Mós ba Eskola.

Iha entrevista estudante Basilio Manuel de Deus hateten fa’an ai-sunu hodi sustenta família uma laran nomós uza ba selu eskola, ai ne’eb’e mak sira faan hola tutan fali husi ema sira ne’ebé mak lori husi foho mai, no husu ba joven sira atu depende de’it ba inan aman maibé tenki buka rasik osan hodi sustenta ba moris lorloron no uza ba bu’at seluk.

“Ha’u nia inisiativa hodi fa’an ai-sunu ne’e tanba, populasaun sira iha dili laran balun sedauk asesu ba eletresidade, tan ne’e ha’u fa’an ai-sunu hodi ema hola no bele ajuda komunidade sira atu bele hola ai- sunu besik de’it tanba balun sira ba buka ai-sunu do’ok. Ha’u fa’an ai-sunu durante ha’u hahu hari’i ami nia uma iha  tinan 2015 to’o mai agora no mós orsamentu ne’ebé hetan husi ai-sunu ne’e  bele ajuda ha’u hodi sustenta nesesidade familia no balun bele uza hodi selu eskola,  ai-sunu  ne’ebé ami fa’an ne’e hola tutan husi ema seluk mak hodi fa’an, no balun lori husi foho mai mak ami iha ne’e hein hodi hola  ba fa’an tutan de’it, no ema ne’ebé  hola,  no ai-sunu ne’ebé ami hola ne’e sura futun lima 5 mak 1 dolares no ami fa’an tutan fali futun ida (1)  1 dolares no ami hola ne’e kareta tomak ida ho folin 300 dolares, se lae 200 dolares tun mai kraik, tanba ne’e ami hola barak hanesan no fa’an fali bele hetan funan 350 dolares, durante ha’u fa’an ai-sunu ne’e hasoru problema mak dala ruma ema lori mai ai balun matak no kompradór sira mai hola fali ne’e hare’e didi’ak ida ne’ebé di’ak mak foin hola  atu nune’e sira sunu ne’e bele lakan  no fatin ne’ebé uza hodi fa’an ne’e fatin dignu maski kareta motor hala’o movimentu ba mai ho barullu mais ami nafatin pasensia hodi fa’an  tanba ami uza uma rasik mak hodi fa’an ai-sunu, ho nune’e ha’u husu mós ba joven sira liu-liu ba estudante sira labele depende liu ba inan aman sira, di’ak liu ita mós bele buka rasik hodi sustenta ba ita nia moris no bele selu mós ba ita nia eskola,” hateten Basilio iha nia residensia kampu baru Komoro Díli.

Iha sorin seluk Rui Martins Menezes hateten nia fa’an ai-fuan no ai-sunu tamba nia hetan esperiensia husi familia sira tan ne’e nia foti desizaun hodi halo negosiu.

“Ha’u fa’an ai-fuan no ai-sunu tanba  uluk kikoan hela ho ema hodi halo negosiu, tanba ne’e ha’u hetan esperiensia husi ne’e hodi foti desizaun fa’an ai-fuan no ai-sunu, no ai sunu ne’ebé fa’an ne’e balun lori husi Loes mai mak ami hola no balun fa’an ne’e futun tolu (3) 2 dolar ne’e ami fa’an tutan fali ne’e futun ida (1) 1 dolar se la’e 2 dolar no dalaruma kompradór sira mai hola loron ida bele hetan 20 dolar no ami nia kliente mak mai hola ne’e bele hetan 50 dolar  ou bele hola hotu dala ida, karik komunidade balun ne’ebé mak mai hola ne’e 1 dolar ou 2 dolar de’it, tanba ne’e osan sira ne’ebé ami hetan husi ai-sunu ne’e uza hodi sustenta ba nesesidade uma laran no balun bele selu oan sira nia eskola ,”  hakotu Rui.

Jornalista Estajiada : Franciana dos Santos

Editor : Luhamutu

Related Articles

- Advertisement -spot_img

Latest Articles

ARKIVU.
RCC.