26.9 C
Dili
Friday, 14 June 2024
spot_img

Motiva a’an Rasik Hodi Kria Kampu Traballu ba Joven Sira

Dili, 5 Juñu 2024 (Rcc)-João De Carvalho iha Inisiativa Rasik Hakarak Hari’i Kompaña Jota Bermeliu One Ne’e Hodi Buka Moris nomós Kria Kampu Trabalu ba Joven Sira

Iha entrevista na’in ba kommpaña Jota Bermeliu João de carvalho hateten nia rasik mak iha inisiativa loke kompaña Jota Bermeliu One la iha ema ida mak motiva nia maibé nia gosta produs rasik batako

“la iha ema ida mak motiva ha’u, maibé ha’u rasik mak hakarak hari duni kompaña jota bermeliu one ne’e hodi buka moris nomós kria kampu trabalu ba joven sira ne’ebé mak buka hela servisu, hodi sustenta ba sira nia nesesidade uma laran, kompaña ne’e hahu loke tinan hitu ona, hahu husi tinan 2017 to agora, no traballadór hamutuk na’in walu (8) mak servisu iha ne’e, kondutór na’in ida no na’in hitu produs batako, kada loron ida traballdór sira produs batako makas liu mak atus lima se lae atus haat de’it, material ne’ebé uza hodi halo batako mak hanesan rai-henek semente ho bee’ material hirak ne’e ami sosa tutan   depois lori mai ami produs, kada batako ida ami fa’an ho folin 0.50 centavos de’it, gerallia ami fa’an ida $1, ami  produs hotu  tau hela kliente sira presiza sira mai sosa de’it, kada fulan ami selu sira tuir prosentu de’it, semente saka ida sira hetan $4 dolar loron ida mak sira halo saka lima entaun sira hetan $20,  tanba sira han hemu iha ne’e hotu ne’ebé ami selu sira tuir prosentu de’it, problema ne’ebé ami hasoru mak hanesan, bainhira ami produs batako hotu kliente sira la dun mai sosa, tanba agora ema produs batako mós barak entaun kliente sira susar atu hola, maibé ami pasiénsia nafati produs, tanba ida mak sai hanesan servisu ida ba ami atu hetan osan, se ami la halo servisu sira hanesan ne’e entaun susar ba ami  atu hetan osan.”hateten nia

Alende ne’e João de carvahlo fó mesanjem ba maluk kliente sira iha timor laran hakarak sosa batako bele hakat ba sira nia fatin hodi hola batako ne’ebé mak folin baratu no kualidade.

“Mensajem ba maluk kliente sira iha dili laran ka munisipiu ne’ebé mak hakarak sosa batako bele hakat mai iha ami nia fatin, tanba ami nia batako ne’ebé ho kulidade di’ak no nia folin baratu, maluk sira ne’ebé hakarak hola ami prontu atende ita bo’ot sira”.     

Iha sorin seluk traballadór Bernadino haktuir maske servisu todan maibé pasiénsia servisu nafatin tanba nesesidade obriga, no husu ba joven sira buka servisu tanba tempu agora atu buka osan hodi sustenta família laos problema.

“Ha’u mai servisu iha kompaña ida ne’e, la iha ema ida mak motiva ha’u  maibé nesesidade obriga ha’u tenki mai servisu iha ne’e, ha’u servisu iha ne’e tinan haat ona, hahu husi 2020 to agora, kada loron ami produs batako  makas liu mak atus lima lae atus haat de’it, iha kompaña ne’e patraun sira selu ami tuir prosentu de’it, semente saka ida ami hetan $4 loron ida mak ami halo saka lima  entaun ami hetan $20, osan ne’ebé ha’u hetan balun uza ba han hemu no balun uza selu oan sira nia eskola, salario ne’ebé ha’u hetan pesoal ha’u senti la sufisente, maibé agradese tanba bele hetan ona servisu hodi buka moris, maske osan bele kii, lalakon vontade atu buka osan, servisu bele todan nafatin iha vontade hodi buka osan atu sestenta ba familia uma laran se ita tur de’it semak atu fo osan ba ita di’ak liu buka servisu hodi hetan osan, maske servisu bele todan, pasensia hodi luta hasoru moris, tanba ita moris presiza  buka osan,  problema ne’ebe ami hasoru banhira ami produs batako mak hanesan kanuru kona ain mesin koa liman rai rahun makas, maibé pasensia hodi buka osan, tanba nesesidade mak obriga”. mensajem ba maluk joven sira tempu ida agora ne’e atu buka osan la’os atu buka problema,maibé tenki buka servisu  hodi ajuda inan aman sira, tanba tempu ida agora ne’e atu buka osan la’os atu buka problema.”Hakotu Nia  

Jornalista estajiado: Augusto Tilman

Editor: Luhamutu

Related Articles

- Advertisement -spot_img

Latest Articles

ARKIVU.
RCC.