24.9 C
Dili
Thursday, 25 July 2024
spot_img

Bernadete ho Luzitania Loke Keos Hodi Responde ba Nesesidade Uma Laran

Dili, 19 Juñu 2024 (RCC) – Vendedora Bernadete de Fátima ho Idade 28 no Luzitania da Cruz Simões ho Idade 44 Loke Keos Faan Necessidade Básica Hodi Responde ba Nesesidade Uma Laran No Ajuda oan Sira nia Eskola.

Iha entrevista Bernadete de Fátima hateten ba jornalista RCC katak, nia rasik mak hakrak loke keos hodi ajuda família no responde ba nesesidade loro-loron nian.

“Ha’u mak hakarak rasik atu loke keos hodi ajuda pai, mãe no ajuda alin sira nia osan bemo no osan eskola, pai mak ajuda fó osan, tanba pai iha loja ida iha leten ne’ebé mak China sira aluga, entaun momentu ne’ebá ami foti sasan husi leten mak mai fa’an iha ne’e, no iha momentu ne’ebá uza osan maizumenus montante $400 dolares, entaun ami maneza husi $.400 dolar ne’e to’o mai agora, ne’e laos hanesan loja boot, maibé hanesan loja ki’ik entaun nia rendimentu ami uza ba han no hemu de’it, maizumenus rendimentu loron ida la too $50 dolar, maibé $20 ka $30 dolar hanesn ne’e de’it, ha’u nia bin mak ajuda ha’u hein keos troka malu, dalaruma abin mak hein no dalaruma mós ha’u mak hein, keos ne’e loke kluer ona no pai mak hein no momentu ne’ebá pai moras, entaun pai fó ba ema mak aluga no ema fila tiha, no pai mós moras entaun osan ba ami atu han no hemu nian susar, entaun ha’u mak  kontinua loke rasik fali hodi ajuda alin sira no uza ba han no hemu nian de’it, osan hirak ne’ebé hetan husi fa’an keos ne ladun sufisiente tanba hetan osan oitoan de’it. Tenik Bernadete iha nia fatin, kampu baru.

Vendedora ne’e mós informa ba joven sira, atu hapara problema no fokus ba futuru hodi had’ia moris.

“Husu ba joven sira ne’ebé mak agora sei buka problema, ita hanesan joven ne’ebé kriativu entaun hapara tiha problema hodi fokus ba futuru hodi nune’e bele hadia moris. Nia informa.

Iha sorin seluk vendedora Luzitania da Cruz Ximões salientatanba de’it  nesesidade loro-loron nian no oan sira ba eskola, obriga nia  tenki loke keos hodi nune’e bele hetan osan oitoan hodi responde ba nesesidade.  

“Tanba nesesidade loro-loron nian hanesan han hemu no oan sira ba eskola, tanba ne’e mak ha’u tenki loke keos hodi nune’e bele hetan osan oitoan, no keos ne’e ha’u loke iha tinan 2007 to’o mai agora, no osamentu fou-foun ha’u impresta hafoin ha’u entrega fali no agora ne’e ha’u uza ha’u nia modal rasik, fou-foun ne’e ha’u hasai $10.00 ribu depois kredit ha’u foti too $10.00 ribu no ha’u entrega fila fali ba banku no restu ne’e agora ha’u uza modal privadu, no rendimentu kada loron, karik ema sosa di’ak bele too $50 dolar no dalaruma ema ladun sosa entaun $30 ka $20 dolar hanesan ne’e no keos ne’e ha’u mesak mak hein. Nia salienta.

Vendedora ne’e mós rekomenda ba joven sira atu keta lakon vontade, maibé esforsu nafatin hodi hakat ba oin no halo saida de’it mak ita bele halo hodi buka osan ba ita nia presiza.

“Ha’u husu ba joven sira labele halimar, maibé tenki esforsu a’an no aprende buka osan ba ita nia nesesidade no presiza loro-loron nian, no oinsá mak ita hakarak halo mudansa ba ita nia moris, tanba ami uluk mós hanesan ne’e, husi laiha hafoin ba iha, tanba ami esforsu loro-loron no la senti kolen, bele moras mós ami esfórsu nafatin, tanba ne’e ha’u husu ba joven sira, atu labele baruk, maibé tenki badinas tanba fou-foun ita terus, maibé ikus ita sei sai di’ak, tanba ne’e labele lakon vontade, maibé nafatin esforsu hodi hakat ba oin no kontinua halo ita nia servisu  no saida mak ita bele halo, entaun ita bele halo ida ne’e.Nia hakotu.

Jornalista : Tonya Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.