24.9 C
Dili
Thursday, 25 July 2024
spot_img

Gerobak Mak Sai Hanesan Servisu Ida ba Claudino ho Amigi Hodi Buka Moris

Dili, 19 Junu 2024 (RCC) -Claudino ho Amigi nia moris depende deit ba gerobak  ne’ebé sira iha, no liu husi gerobak mak dalan ida ne’ebé iha ba sira atu  buka osan  hodi sustenta nesesidade família uma laran.

Claudino ho Amigi dudu karosa kada loron hahú husi dader to’o lokraik iha merkadu Taibesi hodi tula ema nia sasan atu hetan osan hodi sustenta ba nesesidade família nian.

Iha intervista Amigi soares hateten nia moris depende de’it ba gerobak la iha dalan seluk atu buka osan, liu husi gerobak mak nia bele hetan osan.

“La iha ema ida mak motiva hau atu buka serviso, ha’u rasik mak iha inisiativa hakarak atu serviso ida ne,e, no hau hahu dudu gerobak iha tinan lima ona, hahu husi 2020 to agora, kada loron ami hetan osan depende ba vendedor sira mai sosa,  entaun sira bolu ami tula sira nian sasan,sira foin selu ami, loron ami hetan osan makas liu $10 dolar se lae $5 de`it, maibe ami pasensia nafatin hodi buka moris maske osan bele kiik nafatin iha vontade atu buka osan, tanba ida ne’e mak sai hanesan servisu ida ba ami atu hetan osan, se ita  tur de’it se mak atu fo osan ba ita di’ ak liu buka rasik servisu bele hetan osan.Osan ne’ebe hau hetan maske kiik, maibe Agradese tanba bele hetan duni osan hodi sustenta ba nesesidade uma laran, maske loron bele manas rai rahun bele makas maibe nafatin iha vontade atu buka moris, atu sustenta ba familia uma laran, gerobak ne,ebe nia uza hodi buka moris la iha ida mak fo ba nian maibe nia rasik mak halo hodi buka moris, problema ne’ebe sira hasoru mak hanesan banhira sira tula sasan sira nee vendedor sira selu tuir sira nian hakarak de’it, maibe sira pasensia hodi simu, tanba ida nee sai henesa servisu ida ba sira atu hetan osan, maske kiik maibe ita la baruk atu buka hau fiar katak loron ida ita mos se sai hanesan ema”.

Nia mós fó mensajem ba joven sira labele hanoin buat a’at iha  ulun maibé tempu ida agora ne’e atu buka servisu, laos  atu buka mak problema de’it.

“Ita labele hanoin buat a’at hodi hasoru ita nia maluk sira, maibé buka  ita nia moris,  ne’e henesan domin ida fó husi ita nia inan aman nian ne’ebé ita tenki halo  tuir karik ita husik domin ne’e hau fiar  katak ita nia moris ne’e la iha  mundansa,  ne’ebé  ita nia moris tenki ser haraik a’an mós ba ema seluk no tenki buka moris rasik labele hanoin buka mak problema de’it ”. Nia haktuir

iha sorin seluk  Claudino Mendonça hateten ho  idade ne’ebé avansadu labele depende bebeik ba família sira, tanba ne’e nia iha inisiativa halo rasik gerobak hodi tula ema nia sasan atu bele hetan netik osan ituan hodi sustenta ba familia uma laran.

“Iha ha’u nia moris ha’u la gosta badiu no husu hela de’it osan ba inan aman no família sira, tamba ho  idade ne’ebé abansadu labele depende bebeik ba familia sira, tanba ne’e ha’u iha inisiativa halo rasik ha’u nia gerobak tula ema nia sasan hodi bele hetan netik osan ituan atu responde ba ha’u nia nesesidade no ba ha’u nia inan aman maske hetan osan ne’ebé ki’ik maibe ha’u la baruk, tamba ida ne’e ha’u nia kosar ben rasik la tane liman ba ema ida no la nauk ema nia  ne’e ha’u nia esforsu rasik tamba ne’e ha’u la moe ho  ha’u nia servisu hanesan dudu gerobak la’o ba mai iha fatin ne’e, maibe kada loron ami hetan osan sorti di’ak bele hetan to’o  $ 15 se kuandu ema mak la mai hola sasan entaun ami hetan to’o de’it $ 10 maibe ida ne’e mós mai ami sufisiente ona tamba ami nia servisu mak ida ne’e duni la iha tan servisu seluk mai ami.

Claudino ho Amigi haktuir sira hasoru difikuldade oioin hanesan  dalaruma ema balun haruka ami tula tiha sasan selu de’it 0,25 no seluk mak dalaruma udan no loron manas rairahun, maibe sira la lakon vontade atu hala’o sira  nia atividade ne’e“maske osan ne’ebé ami hetan  ho montante ki’ik maibé  agradese tebes tanba bele sustenta ona ami nia nesessidade uma laran no ami bele uza ba halo buat saida de’it mak ami atu halo iha ami nia moris lor- loron nia hanesan hola hahan hola ami nia presisa no balun fo ba alin sira hodi selu eskola”.  

Claudino  husu ba  joven sira, tempu ida agora ne’e labele buka problema tenki buka serbisu hodi sustenta familia no aan rasik. 

“Husu  ba maluk joven sira tempu ida agora ne’e lalika hanoin buka problema diak liu hanoin buka serbisu para bele heta osan, se ita ba halo problema ne’e hanesan ita tau hela todan ida ba ita nia inan aman, diak liu hanoin buka osan hodi ajuda inan aman sira”,  nia hakotu .

Jornalista : Anita Vaz

Editor : Luhamutu

Related Articles

- Advertisement -spot_img

Latest Articles

ARKIVU.
RCC.