24.9 C
Dili
Thursday, 25 July 2024
spot_img

Juliana ho Eldina Deside Fa’an Batar Tunu Hodi  Bele Selu Oan Sira Nia Eskola

Dili, 19 Junu 2024 (Rcc) – Laiha dalan Seluk ba Juliana Pinto ho Eldina Dias Bello, Tan Ne’e Sira Rua Foti Desizaun Hodi Fa’an Batar Tunu iha Pantai Kelapa Hodi  Selu Oan  Sira Nia Eskola no Bele Sustenta Nesesidade Uma Laran.

Iha entrevista Juliana Pinto hateten liuhusi nia fa’an batar mak bele sustenta nesesidade uma laran, ho nune’e  nia husu ba governu tenki kria fatin ba sira hodi fa’an.

” Ha’u fa’an batar tamba moris mak obriga ha’u hodi fa’an batar tan ne’e foti desizaun hodi halo negosiu kikoan ida ne’e bele ajuda netik ami maski negósiu ne’ebé halo ne’e ki’ik maibé, koko nafatin hodi hala’o tamba, Liuhusi tunu batar ne’e mak ami hodi sustenta ba moris loro-loron durante tinan 2 ona mak ha’u hodi fa’an batar no liuhusi fa’an batar mak ha’u hodi selu ba ha’u nia oan sira nia eskola no trata ba labarik sira nia moris no kada loron hetan osan paling 6 dolar se folin liu mak 7 dolar ou 8 dolar no batar ida folin 0.50 centavos. Batar sira ne’e kala-kalan ba hola iha Taibesi ne’e sira fa’an batar  7 mak 1 dolar, ou se lae 8 mak 1 dolar karik batar laiha liu mak ema fa’an ba 5 dolar mós ami pasensia hola no osan ne’ebé kada loron ami hetan la sufisiente ba ha’u atu atende ba nesesidade uma laran tamba osan ne’ebé hetan ne’e ki’ik liu tan ne’e dalaruma walikota sira mai ruma walikota sira mai duni maibé,  ami vendedor sira ne’e mai hadau malu fatin no walikota sira mai ne’e jam 5 mai ona, karik sira mai hirus ami, ne’e ami vendedor sira finzi fila kotuk  de’it  hodi fa’an nafatin tamba ami nia moris mak hanesan tan ne’e liuhusi fa’an batar mak bele suatenta nesesida uma laran no bele selu oan sira nia eskola se lafa’an hansane atu fo han saida ba oan sira  no ami husu ba governu tenke kria fatin ba ami atu nune’e bele fa’an iha fatin ne’ebé ho dignu,”  hateten Juliana iha sexta-feira ne’e Pantai Kelapa.

Iha sorin seluk Eldina Dias  Belo hateten ajuda nia laen  hodi fa’an batar tunu hodi buka osan hodi bele sosa oan sira nia presiza loro-loron nian.

” Ha’u fa’an batar tamba ajuda katuasoan hodi buka 0.05 cem ou 0.10 centavos atu nune’e bele ajuda netik ami hodi hola netik hahan no bele atende ba presiza loro-loron nian.  Karik ita lakoi fa’an se mak atu fo osan ba ita atu uza, ne’ebé di’ak liu halo netik negosiu kikoan ne’e bele ajuda netik ami, tanba liuhusi ne’e bele ajuda ita hodi sustenta ba nesesidade uma laran no ita bele selu oan sira nia eskola, tan ne’e ha’u foti desizaun hodi mai hamri’ik iha dalan ninin hodi tunu batar. No ho ha’u hodi ajuda katuasoan hodi fa’an batar besik tinan 2 ona tan ne’e koko nafatin hodi fa’an maski hetan ho osan ne’ebé ki’ik, no batar ne’ebé ami fa’an, ami hola tutan husi ema mak lari mai mak  foin hola, depois ami hola mós dala ruma 4 mak 1 dolar, no bainhira ami loke hodi tunu batar balun aat, balun di’ak no kada loron hetan osan loron diak bele hetan 20 dolar se lae tun mak 15 dolar, hanesan kala-kalan ba hola batar dalaruma 20 dolar se lae 15 dolar se lae ne’e mai fa’an fali bele hetan fli 15 dolar tun mai kraik, no osan ne’ebé kada loron hetan ne’e uza ba mesesidade uma laran no bele selu oan sira nia eskola, bele hola mos oan sira nia presiza loro-loron nian hanesan kadernu, lapizeira, sapatu sira, se lakoi atu fa’an se mak atu hola ita nia oan sira nia presiza,”  Hakotu Eldina.

Jornalista : Tonya Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.