24.9 C
Dili
Thursday, 25 July 2024
spot_img

Krize Ekonomia Mundiál Sei fo Inpaktu ba Funsionariu Sira

Dili, 20 Junho 2024 (RCC)_ Prezidente Repúblika José Ramos Horta hateten Krize ekonomia mundiál bele fo inpaktu mós ba funsionariu sira tanba kustu transporte, material, hahán husi li’ur mai hanesan husi Xina no nasaun sira seluk mai karun liu tan, tanba kontentor sira ne’ebé hatama sasán mós folin karun, no bainhira funsionariu sira hetan pagamentu la tuir vensementu ne’ebé iha maka bele hetan inpaktu husi ekonomia mundiál.

Iha intervista ho Prezidente Repúblika José Ramos Horta, hafoin remata fo supreza ba Primeiru Ministru Kay  Rala  Xanana Gusmão ne’ebé hala’o ninia loron aniversariu ba dala 78 iha Kantiña Matak, haktuir ba jornalista sira katak, ekonomia mundiál sei fo inpaktu ba funsionariu sira nune’e mós ba kompanha sira bainhira sei halo karegamentu ba iha salariu minimu.

“Problema mak ida ne’e Krize ekonomia mundiál ne’e inpaktu mós ba funsionariu sira tanba kustu transporte, material, hahán husi li’ur mai hanesan husi Xina no nasaun sira seluk mai karun liu tan tanba kontentor sira karun liu tanba ekonomia mundiál. Entaun sei ita karega salariu minimu ne’e mós empaktu ba emprezariu sira. no emprezariu sira bele hateten tanba agora ami selu vensementu aas liu ami la bele hatama ema, maibé ami hatama 20 pesoas. Maibé ida ne’e bele provoka desempregu liu tan. lansignifiku ha’u la konkorda atu aumenta vensementu maibé ne’e ekonomista sira governu , banku BNCTL Banku Cenntral maka bele halo estudu didi’ak klean kona ba ida ne’e atu nune’e, oinsá aumenta salariu minimum, maibé, governu mós tau insentivu ba kompanha sira atu nune’e kompanha sira ne’e bele moris no bele kontinua, sei ita hateten deit tenki hasae vensimentu ou sira taka tanba la auguenta nune’e mós sira hatun númeru ema servisu iha neba para bele aumenta vensimentu ba sira ne’e iha ne’ebá.” katak Prezidente Repúblika.

Nunee mós nia hatutan, salariu minimu bele hasae ba $ 150 maibé governu tenke haree mós kona ba intesivu setor privadu nune’e mós kreatibidade no matenek husi funsionariu sira nian  atu nune’e bele aumenta salariu minimu.

“Salaraiu minimu bele hasae ba iha 150 maibé tenke governu haree mós paralelu  ne’e hamutuk ho ida ne’e no hare insentivu ba setor privadu ne’ebé empreza ema insentivu ne’e konfirme  proporsaun ba númeru sira ne’ebé iha hanesan fabrika hotel sei nia iha fabrika ema barak ne’e insentivu boot liu tan tanba ne’e mak governu tenki haree kreatibidade matenek atu nune’e bele aumenta salariu minimu. Tanba ne’e governu tenke atualiza salariu inklui mós sira ne’e servisu iha funsaun públika ne’ebé nivel badak liu ka minimu liu iha leten lalika atualiza tanba manan bo’ot ona sira ne’ebé manan quinentus tun mai kraik mak ita haree prekupa no  atualiza.Tenki fo insentivu ba setor privadu tenki aumenta subsidiu ba hahán ne’ebé mai husi li’ur durante tinan ida tinan rua la’ós buat ne’e permanente enkuantu de’it ekonomia mundiál atu nune’e tenki aumenta,” hakotu  Prezidente Repúblika.

Jornalista : Tonia Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.