24.9 C
Dili
Thursday, 25 July 2024
spot_img

Marito no Juanito Deside Fa’an OB Tuir Dalan Ninin ho Tiga-Roda

Díli,  20 Juñu 2024 (RCC) – laiha servisu no fatin ne’ebé dignu Marito Marcel ho Juanito António Casmiro deside fa’an OB tuir dalan ninin ho Tiga-roda hodi sustenta bá nesesidade uma laran no presiza lor-loron nian.

Iha entrevista, Marito Marcel ho idade 29 husi Munisípiu Kovalima hateten, tanba nesesidade lor-loron mak obriga tenke kréditu Tiga-roda hodi fa’an ob tuir dalan ninin.

“Nesesidade lor-loron nian obriga mak tenki fa’an OB iha tiga roda tuir dalan ninin, se ita iha uma de’it mos, servisu laiha tanba ne’e hakarak ka lakoi tenki foti desizaun kreditu tiga-roda hodi fa’an ob tuir dalan ninin de’it no mós fatin  fatin ne’ebé seguru mai ami atu buka moris mós laiha,”  Dehan Marito

Marito mos akresenta tan katak, tiga-roda ne’ebé uza hodi fa’an OB ne’e kada loron estor $10, maibé ob ne’ebé sira fa’an ema sosa tuir tempu de’it.

“Tiga-roda ne’ebé ami uza hodi fa’an ob ne’e mós kréditu, tanba ne’e kada loron estor $10, maibé ob ne’ebé ami fa’an ne’e tempu di’ak ema sosa to’o $20 no mós bele to’o $50, maibé tempu la di’ak fali mai ema la sosa liu, tanba ne’e maske sente kolen mós ami tenki obriga a’an tanba tiga-roda ne’e kada fulan estor $300 no mos bele uza ba nesesidade uma laran nian,”  Nia akresenta.

Iha sorin seluk Juanito António Casmiro husi Munisípiu Ermera, postu administrativu Atsabe mos hateten, hanesan joven labele depende liu ba inan aman tenke esforsu a’an hodi buka rasik atu nune’e bele uza presiza lor-loron nian.

“Hanesan joven lalika depende de’it ba inan aman, ita mós tenki buka rasik atu nune’e, wainhira inan aman kbi’it la to’o ita mós bele ajuda fali ita nia inan aman no mós ita bele uza ba selu rasik ita nia eskola, karik ita lakoi buka rasik entaun inan aman laiha kbi’it atu selu ita nia eskola entaun dalan mak ita bele sai husi eskola no badiu de’it, tanba ne’e hanesan joven tenke iha hanoin atu buka rasik osan hodi uza ba presiza lor-loron nian,”  Dehan Juanito.

Aleinde ne’e Juanito mós informa tan katak, osan ne’ebé uza ba hola ob hodi fa’an ne’e husi nia pai ho mae, ho modal $40 no fa’an fali kada loron hetan rendimentu $15 no dalaruma la to’o $15

“Osan ne’ebé ami uza hodi hola ne’e pai ho mae nian ho modal $40, no fa’an fali kada loron hetan rendimentu $15 dalaruma la to’o no osan ne’ebé ami hetan husi fa’an ne’e uza ba nesesidade lor-loron nian no uza mós ba sosa buku no lapizeira no seluk tan,” Juanito informa.

Enkuantu, nu’udar joven lalika depende liu ba inan aman no aprende hatoman a’an hodi buka rasik osan atu nune’e bele uza ba ita presiza lor-loron nian. Hakotu Juanito.

Jornalita : Adelina Fátima

Editor: Luhamutu

Related Articles

- Advertisement -spot_img

Latest Articles

ARKIVU.
RCC.