24.9 C
Dili
Thursday, 25 July 2024
spot_img

Abc.Id Nafatin Kopera Ho Konsellu Imprensa Hodi Fó Formasaun Ba Jornalista Sira

Díli, 25 Juñu 2024 (RCC) – ABC.ID Austrália nafatin hala’o kooperasaun ho konsellu imprensa hodi fó formasaun ba Jornalista sira hotu iha área ‘story telling no story talking’ katak labele ko’alia de’it, maibé, tenke dehan bu’at ruma bazeia ba faktus.

Iha entrevista ho Manajer program ABC. ID, Fiona Churctiman hateten, formasaun story telling ne’e kona-ba oinsá atu halo identifikasaun ba parte interesada sira hodi hetan impaktu ba istória ne’e.

“Formasaun story telling ne’e kona-ba oinsá buka ideia, hetan istória no buka fontes ne’ebé mak ita bele ko’alia ba, no mós identifika ba parte interesada sira atu nune’e bele halo entrevista ho ema sira ne’ebé mak hetan impaktu husi istória ne’ebé mak ita bo’ot sei halo, liu-liu istória ne’ebé mak ita hakerek kona-ba plataforma diferente ba iha televizaun, Rádiu, jornál, online no mós ba sosiál média, ba da-huluk ita tenke hanoin kona-ba asuntu ne’ebé mak iha Timor-Leste,  no oinsá hanesan Jornalista ita bo’ot sira bele hato’o fila fali istória ne’e ho diak iu tan,”  tanba ne’e ita hahú husu pergunta ba ita nia a’an ho saida mak notísia no tanba saida maka ne’e importante, no mós hare’e liu ba detallu informasaun oinsá ita bele kobre istória ne’e ba média diferente ka plataforma diferente no mós fokus ba oinsá ita bele halo entrevista ho fontes di’ak liu. Dehan Fiona.

Iha fatin hanesan, Prezidente Konsellu imprensa, Otelio Ote mós informa, formasaun  ne’e hala’o ona durante tinan ida resin ho ABC.ID hodi fó formasaun ne’e, tanba ne’e orgullu no apresia tebes ba parte relevante nia aproimasaun ne’ebé durante servisu iha ne’e.

“Konsellu imprensa desde tinan ida (1) fulan  walu (8)  halo kolaborasaun ho ABC.ID hodi fó formasaun ne’e, tanba ne’e sente orgullu tebes no apresia ba ABC.ID nia aproimasaun ho KI desde sira  servisu iha ne’e ho ema ne’ebé lá’os foun ba Timor, maibé, tinan ida liu fulan walu ne’e, se karik ita kompara ho labarik ki’ikoan oan ida entaun to’o oras ne’e nia hatene ko’alia  mós ona,” Informa Otelio Ote.

Aleinde ne’e, Prezidente KI Otelio Ote mos akresenta tan katak, konsellu imprensa nia relasaun ho ABC.ID Austrália nian, liu husi formasaun hodi fasilita ona iha Balibó no Oekuse kona-ba jornalismu investigativu iha tinan kotuk.

“Ita nia relasaun ho ABC.ID Austrália nian liu husi formasaun hirak ne’ebé nia fasilita tiha ona ba ita,  hahú kedas iha Balibó kona-ba jornalimu  investigativu no mós ida iha Oekuse, iha tinan kotuk parese fulan Agostu, liu husi formasaun ida ne’e KI sente katak importante lo’os ba jornalista sira, tanba ita hatene Timor ne’e laiha institutu jornalista  ida ne’ebé favóritu atu ita bo’ot sira bele hetan edukasaun ne’ebé mak di’ak iha institutu sira ne’e, karik ita bo’ot sira  halo tiha ona kobertura dalaruma balu to’o tinan sanulu no balu foin mak hahú halo teknika kobertura oi-oin iha terenu, ida ne’e ita koñese mós tékniku kobertura konvensional mak hanesan observa, entrevista no peskiza, téknika tolu ne’e mak ita bo’ot sira uza ona iha kampu,” nia akresenta.

Ho nune’e, prezidente konsellu imprensa, Otelio Ote salienta mós kona-ba diferensa  story talking no story telling katak, la’ós ko’alia de’it, maibé, tenke dehan bu’at ruma hanesan dadus no fontes nia naran ka tinan.

“Ohin ita atu bolu informasaun ida kona-ba story telling no nia kontráiu mak story talking ne’e signifika katak hakerek notisia ne’e not just talking but you have to tell something, tanba ne’e wainhira ko’alia temi dadus no fontes nia naran ou tinan ida ne’e maka sai hanesan faktus ida mak ita atu hakerek kona-ba ba story telling,  story talking mak hanesan ita ko’alia de’it, maibé, laiha faktus, ho nune’e mak atu fahe informasaun klean ba ita hotu atu bele halo mudansa ba ita nia istória ne’ebé ita hakerek,”  nia salienta.

Liu husi biban ne’e, reprezentante Jornalista sira hotu, Maria Tavares husi média STL hateten, formasaun ne’e importante tebes ba jornalista sira hodi kapasita liu tan sira nia koñesementu kona-ba ba formasaun ne’e.

“Ha’u sente formasaun ida ne’e di’ak tebes ba Jornalista sira, tanba ida ne’e hanesan parte ida atu kapasita liu tan ita nia koñesementu iha área Jornalista ninian atu nune’e ita bele implementa iha terenu ho di’ak,” 

Entretantu, reprezentante Jornalista, Maria Tavares mós hakarak hato’o agradese ba parte konsellu imprensa ne’ebé mak kopera ho ABC.ID Austrália hodi fó formasaun ne’e ba jornalista sira no nafatin husu ba parte KI atu kontinua fó formasaun iha futuru hodi bele aumenta liu tan kapasidade Jornalista sira nian.

” Hakarak hato’o agradese ba parte konsellu imprensa ne’ebé mak kopera ho ABC.ID hodi fasilita informasaun ida ne’e ba ami Jornalista sira no ami husu nafatin ba KI atu kontinua nafatin fó informasaun sira hanesan ne’e ba iha futuru, atu nune’e bele aumenta nafatin koñesementu Jornalista sira nian,”  hakotu Maria.

Jornalista : Adelina Fátima

Editór : Luhamutu

Related Articles

- Advertisement -spot_img

Latest Articles

ARKIVU.
RCC.