24.9 C
Dili
Thursday, 25 July 2024
spot_img

Governu no CPLP Asina Memorandu Entendimentu ba Promosaun Lian Portugés no Dezenvolvimentu Projetu Audiovizuál ho RTTL

Governu Repúblika Demokrátika Timor-Leste, ne’ebé reprezenta husi Sekretáriu Estadu Komunikasaun Sosiál, Expedito Dias Ximenes, no Sekretáriu Ezekutivu Komunidade País Lian Portugés (CPLP, sigla iha lian portugés), ne’ebé reprezenta husi Sekretáriu Ezekutivu Zacarias da Costa, asina iha loron 21 fulan-juñu tinan 2024 Memorandu Entendimentu ida ne’ebé ho objetivu atu promove partilla konteúdu audiovizuál no dezenvolvimentu konjuntu projetu entre CPLP no Rádiu no Televizaun Timor-Leste (RTTL).

Memorandu Entendimentu ne’e ho objetivu atu estabelese relasaun kooperasaun ida entre parte sira ba promosaun no difuzaun Lian Portugés no divulgasaun ba atividade institusionál CPLP nian iha Timor-Leste. Liuhusi parseria ida-ne’e, sei partilla konteúdu audiovizuál no fó apoiu iha konsesaun no ezekusaun projetu sira ne’ebé ho objetivu atu fó kapasitasaun ba funsionáriu RTTL no reforsu ba ninia meius téknikus.

Sekretáriu Ezekutivu CPLP, Zacarias da Costa, afirma katak “instrumentu ne’e nu’udar marka signifikativu ida ba promosaun lian portugés iha Timor-Leste, tanba ninia objetivu atu hametin difuzaun linguístika liuhusi kolaborasaun iha área sira hanesan produsaun konteúdu audiovizuál no formasaun profisionál komunikasaun”. Nia hatutan tan katak “liuhusi memorandu ida-ne’e, ita afirma ita-nia kompromisu hamutuk atu habelar uzu no apropriasaun portugés iha país ne’e, hodi nune’e kontribui ba integrasaun no kooperasaun ida ne’ebé boot liu iha ita-nia komunidade”.

Sekretáriu Estadu Komunikasaun Sosiál Timor-Leste, Expedito Dias Ximenes, subliña katak CPLP “reprezenta plataforma únika ida hodi partilla esperiénsia, kultura no valór komún, hodi utiliza lian portugés hanesan ligasaun transversal ida ne’ebé liga ita”, hanesan koñesimentu mútuu “sai esensiál ba konstrusaun ponte ne’ebé metin”.

Serimónia asinatura ne’e sura ho prezensa husi reprezentante sira Estadus-Membrus oin-oin CPLP nian, inklui embaixadora Laura Soares Abrantes, Reprezentante Permanente Timor-Leste ba CPLP, embaixadór Juliano Féres Nascimento, Reprezentante Permanente Brazil nian ba CPLP, no reprezentante sira husi Guiné-Bissau no Mosambike. Delegasaun timorense inklui, no sira seluk tan, Madalena Pereira Carlos, membru Konsellu Administrasaun RTTL, João Guterres, Diretór Informasaun no membru Konsellu Administrasaun RTTL no konselleiru Aviano Faria. https://timor-leste.gov.tl/?p=37986&lang=tp&n=1

Related Articles

- Advertisement -spot_img

Latest Articles

ARKIVU.
RCC.