24.9 C
Dili
Thursday, 25 July 2024
spot_img

Rádiu komunidade  19 hetan prémiu husi Secoms

Díli, 28 Juñu 2024 (RCC) – Rádiu komunidade 19 hetan prémiu husi secoms liu husi asina akordu hodi servisu hamutuk ho Secoms iha munisípiu ida-idak atu nafatin hato’o komunidade sira nia lian.

Liu husi biban ne’e, Sekretáriu Estadu komunikasaun sosiál, Espedito Loro Dias Ximenes hateten, IX governu sempre fó atensaun tuir lei ne’ebé iha atu bele hetan fundu transferénsia publiku husi Governu.

“Rádiu komunidade ne’e hodi rona informasaun husi komunidade sira, tanba ne’e IX governu sempre fó atensaun tuir lei ne’ebé iha atu imi bele hetan fundu transferénsia públiku husi Governu liu husi Secoms, ho nune’e ohin Secoms ofisialmente sei entrega alvu transferensia ba ita bo’ot sira hodi bele asina kontratu hanesan uluk ho osan ne’ebé la hanesan tanba ida-idak ho nia dezafiu no nesesidade, entaun governu fó osan ba Rádiu komunidade sira tuir dezafiu no nesesidade ne’ebé sira hasoru iha munisípiu ida-idak, tanba ne’e ofisialmente ita sei simu sensibiliza husi ministériu obras públika, tanba ita halo programa ida ne’e hamutuk iha “Meet the press” atu bele sinboliza liu tan ita bo’ot sira nia atividade iha munisípiu,” Dehan Espedito Loro Dias.

Aleinde ne’e, Sekretáriu estadu komunikasaun sosiál, Espedito Dias mós husu ba Jestor sira hotu iha kada munisípiu tenke tau atensaun makas liu ba atividade agrikultór sira nian.

“Ha’u husu de’it ba Jestor sira iha kada munisípiu, tanba ita bo’ot sira mak naran Rádiu komunidade ne’e tenke fó atensaun makas liu ba atividade agrikultor sira nian ne’ebé hanesan to’os na’in no mós ba komunidade sira ne’ebé iha parte rurál nian, no labele halo atividade barak liu ba iha ofisiál formál sira iha administradór ka prezidente autoridade sira, hodi  redús ba 40% de’it no 60% imi fó atensaun ba komunidade agrikultor sira nian, hanesan to’os na’in no mós sira ne’ebé mak hein karau, ida ne’e mak imi bele fó atensaun ba sira atu bele hetan motivasaun hodi hala’o servisu iha área rurál,”  Nia Sujere.

Iha fatin hanesan, jestora Rádiu komunidade Rai husar Aileu, Maria Saramento Guterres Faria mós informa, orsamentu ne’ebe asina iha kontratu ne’e sente sufisiente ba nia tanba bele uza ona ekipamentus hirak ne’ebe mak falla durante ne’e iha radiu komunidade ne’ebe nia lidera.

“Ami husi Rádiu komunidade sira, sempre hasoru difikuldade  barak tebes  hanesan, falta ba komputadór  no tipe record sira bainhira uza hodi ba halo intervista sei menus, ho nune’e orsamentu ne’ebé ohin asina ona kontratu ne’e sente sufisiente ba Jestores sira hotu no mós bele uza hodi halo manutensaun ba ekipamentus hirak ne’ebé sei falta, tanba durante ne’e Rádiu komunidade sira foka liu ba komunidade sira, hanesan ohin sua exelénsia dehan katak, rádiu komunidade ne’e, komunidade sira nian, entaun atividade ne’ebé mak sira halo ami hanesan rádiu komunidade tenke tau atensaun ba atividade ne’ebé maka komunidade sira halo,” hakotu Maria.

Enkuantu, iha seremónia asina akordu ne’e, hetan partisipa maximu husi ministru obras públika, Samuel Marҫal, xefe gabinete ministériu obras públikas, Diretores jerais husi secoms,  prezidente konsellu imprensa no mos membru sira no mos média sira.

Jornalista : Adelina Fátima

Editór : Luhamutu

Related Articles

- Advertisement -spot_img

Latest Articles

ARKIVU.
RCC.