24.9 C
Dili
Thursday, 25 July 2024
spot_img

Tempu Badak PR Sei Vizita  Nasaun Xineza

Dili, 28 Junho 2024 (RCC)- Tempu badak Prezidente Repúblika (PR) José Ramos Horta sei hala’o vizita ofisial ba iha nasaun Xinesa.

Iha intervista ho VPM-II, Mariano Asanami Sabino,  hafoin remata enkontru ho Prezidente Repúblika  iha Palacio Prezidencial Bairo Pite Dili, ba jornalista sira katak, iha tempu badak  Prezidente Repúblika sei hala’o vizita ofisial ba iha nasaun Xina tan nune’e  mai tau opiniaun ba malu hodi nune’e bele ba hato’o iha nasaun Xinesa relasiona ho servisu entre Timor leste ho Xina iha futuru.

“Prezidente Repúblika iha tempu badak sei ba vizita Xina, tan nune’e maka ko’alia saida maka mais ou menus ita atu halo servisu hamutuk atu halo kontinua ho Xina, hato’o Asanami.

Nune’e mós nia hatutan, durante ne’e Xina ho Timor leste servisu lubuk ida ona iha setor agrikultura nian, tanba ne’e atu hare’e oinsá maka moderniza no halo dezenvolvimentu  ba iha setor agrikultura ne’ebé mak importante no mós halao dezenvolvimentu Infra-estrutura ba iha setor agrikultura nian.

“Xina ita durante ne’e halo servisu lubuk ida iha setor agrukula nian, tanba ne’e maka Ministru mai para hare oinsá maka servisu kontinua ba agrukula nian, prezidente nian opiniaun ninian hanoin oinsá maka dezenvolvimentu setor agrikula ne’e importante, dezenvolve Infra-estrutura iha setor agrukula hanesan, barazen, irigasaun, nune’e mós oinsá maka moderniza setor agrikula,” dehan Asanami.

Entertantu  vizita ofisiál ne’ebé sei hala’o iha tempu besik ne’e akompanha husi Primeiru Vice Primeiru Ministru asuntu ekonomia, Ministru agrikultura, nune’e mós ho ekipa balun.

Jornalista : Tonia Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.