24.9 C
Dili
Thursday, 25 July 2024
spot_img

Mahon Ba Moris Mak Liu Husi Fa’an Nu’u

Dili, 04 Jullo 2024 (RCC)-  Kelvin Soares ho Flaviano Soares de Deus, nudar estudante ne’ebe eskola iha Ensino  Sekindariu  Jeral Nicolau Lobato, Dili, deside loraik tenke tur iha estrada ninin  Tibar fa’an nu hodi nune’e bele selu Eskola.

 Iha intervista ho Kelvin Soares ho idade 16, husi municipiu Ainaro, hela iha  Tasi-Tolu no  eskola iha  Ensinu Sekindariu Jeral Nicolaus Lobato Dili, haktuir ba jornalista RCC katak, fa’an nu tanba hodi selu eskola, nune’e mos Nu ne’ebe nia fa’an hola tutan husi ema fuan ida  ho folin centavos 0.25  nia fa’an tutan fali fuan ida ho  folin dolar ida. Maibé, loron ida ema hola la hotu no dala ruma hetan deit rendementu dolares 20 to’o 30.

“Tanba hodi selu eskola, hola tutan fali husi ema nian, hola iha liquisa, maubara,  ida  folin centavos 0.25 no faan fali ida $ 1.00, no loron ida ema hola la hotu ida, ema hola  too 30   dolar no 40 dolar deit,” dehan Kelvin Soares.

Nune’e mos  nia hatutan osan hirak ne’ebe  nia hetan uza hodi seluk eskola no mos ajuda inan aman responde ba nesesidade lor-loron nian. Tan nune’e nia mos husu   ba nia maluk estudante sira wainhira fila husi eskola tenki ajuda mos  inan aman.

“Selu eskola, selu bemo lori ba eskola han, hola roupa, hola kadernu, lapizeira no mos nesesidade lor-loron nian, ajuda inan aman ne’e importante, inan aman hanesan katuas ferik ona ita mak tenki buka fo fali sira.” teknik Kelvin.

Iha Fatin hanesan, estudante Flaviano Soares de Deus ho idade 18 husi munisipiu Ermera eskola iha Ensino sekundario Jeral Nicolau Lobato Dili, mos informa katak, Nu’u ne’ebe nia fa’an laos ninian maibé ajuda Ema fa’an atu nune’e bele hetan osan hodi nune’e bele  hola persija lor-loron nian, maibé osan hirak ne’ebe nia hetan tulun husi ema sente la sufisiente.

“Iha ne’e ami hanesan fa’an ajuda, sei sira fo ami $ 1.00 no $ 2.00 sira ne’e, sira fo ajuda ami hanesan estudante entaun ami hola ba lapizeira hanesan buat sira ne’ebe mak uza iha eskola no hola buat ne’ebe ita persija ne’e ami uza ba hola, no osan ne’ebe ami hetan   sente hanesan la sufisiente tanba eskola ne’e hanesan persija buat barak hanesan hola kadernu, lapizeira no hahan sira, nune’e mos hola rinso tanba ne’e la dun sufisiente” hateten Flaviano.

Aliende ne’e mos nia esplika, fatin ne’ebe nia tur hodi fa’an ne’e sente la dun seguru ba nia tanba bainhira loron manas  ai-mahon la iha  entaun ema la dun hola.

“Fatin iha ai-hun ne’e ami sente hanesan la dun seguru tanba ai-mahon la iha ai-mahon mak ida ne’e deit, tanba kuandu loron manas ona ne’e  ema la dun hola entaun ema hare loron tun oituan no ema olahraga ne’e mak ema mai hola, sei loron manas liu ema la dun hola tanba fatin ba ema atu hodi tur hemu nu ne’e la dun seguru ba ema,” hatutan Flaviano.

Tanba ne’e nia hakarak rekomenda ba parte guvernu tau atensaun ba fatin hirak ne’ebe besik tasi ibun hanesan Tibar tan fatin ne’e  besik tasi, tanba ne’e tenki tau lixu fatin no halo jardin nune mos kuda ai-oan atu nune’e bele atrai ema hodi tur no hola nu ne’ebe sira  fa’an.

“Ami joven hanesan rekomendasi ba ita nia governu tau hanesan fatin sira ne’e  fatin publiku ne’ebe besik tasi ibun no iha ne’ebe Estranjeirus sira lao nai no hateke hela ba ita nia  tasi, entaun governu tenki tau fatin sira ne’e hanesan iha ne’e sampah fatin la iha tanba ne tenki tau fatin sampah nian no iha estrada ninin ne’e tenki kuda ai-oan balun, no hadia fatin oituan ne’e hanesan tau roda ka tau jardin balun para ema mai tur iha ne’e bele hola ami nia nuu ne’e ho diak,” hakotu Flaviano.

Jornalista : Tonia Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.