24.9 C
Dili
Thursday, 25 July 2024
spot_img

Lilita Ho Anita Deside Fa’an Sasan Kios Sai Dalan Uniku Ba Moris Loro-Loron Nian

DIli, 11 Jullu 2024 (Rcc) –Inan faluk Anita da Costa ho Lilita Isac Deside Fa’an Sasan Kios Hodi Bele Sustenta Sira Nia Moris Nomós Bele Selu Oan Nia Eskola.

Iha entrevista inan faluk Anita da Costa hateten, nia rasik maka hakarak loke kios hodi bele selu nia oan nia eskola, nune’e mós bele atende ba moris lorlorn nian. Tanba ne’e kios maka dalan ida ne’ebé di’ak hodi bele fa’an sasan baziku ne’ebé maka iha hodi bele hetan osan husi kios refere.

Ha’u hakarak fa’an sasan kios tanba hodi sustenta ba moris lorloron nian no selu ha’u nia oan nia eskola, tanba ne’e ha’u foti kreditu iha banku Moris rasik hodi loke kios ida ne’e iha tinan 2023. Iha bairo ida ne’e kios barak tanba ne’e compradores menus nune’e rendimentu mós menus, loron ida bele hetan $100 no dalaruma menus husi ne’e. Osan ne’ebé ha’u hetan husi kios refere uza ba sustenta hahan lorloron nian nomós hodi selu ha’u nia oan nia eskola, no sasan sira iha kios ne’e dalaruma ha’u ba sosa iha supermarket no dalaruma sira husi supermarket maka lori mai”dehan Anita ba Jornalista RCC iha nia fatin Manleuana.

Iha sorin seluk vendedora Lilita Isac mós salienta nia hakarak loke kios hodi fa’an sasan baziku sira nune’e bele hetan osan hodi selu mikrolete, fotokopia materia eskola nian no bele selu ninia eskola, no labele garantia liu ba pai ho mae, tanba sira idozu ona nune’e sira nia kbi’it mós menus.

“Ha’u hakarak loke kios ida ne’e hodi responde ba ha’u nia nesesidade baziku, no bele selu rasik ha’u nia eskola. Bainhira Pai ho Mae haruka osan mai atu uza ba eskola nian ha’u fahe ba rua (2) balu ha’u uza ba eskola no balu hau rai hela, nunee ida ne’ebe hau rai hamutuk maka hau deside osan ne’e hodi loke kios nune’e ha’u bele hetan rendimentu husi kios refere, no sei la depende de’it ba inan aman. Difikuldade ne’ebé ha’u enfrenta durante loke kios ida ne’e maka bainhira udan mai sasan sira ne’e hetan estragus husi inundasaun, no bainhira hau ba tiha eskola kios tenki taka nune’e rendimentu menus. Loron ida dalaruma hetan $40 ka $50 no barak liu bele to’o  $100” Hakotu Lilita

Jormalista : Cloutilde Araújo

Editor        : Luhamutu

Related Articles

- Advertisement -spot_img

Latest Articles

ARKIVU.
RCC.