Díli 05 Agustus 2024( RCC) – Konsellu Impresa (CI), Klarifika Ba Públiku Kona-ba Notisia Iha Média Balun Mosu Intervensaun Husi Secoms Nian Iha Sala Redasaun Rttl ep ho Títulu Primeiru Ministeiru (PM) Lakohi Kaer Liman ho Governu Sira.
Iha konferensia imprensa ne’e, prezidente koselho imprensa, Otelio Ote hateten iha salaun KI ba jornalista sira katak, Konsellu Imprensa nu’udar entidade administrativa independente ne’ebe atua ba iha setor komunikasaun sosiál nian, hodi defini tiha ona iha lei komunikasaun sosiál nu. 5/2014 iha loron 19 fulan Novembru, no Dekretu-Lei nu. 25/2015, ho kna’ar atu asegura liberdade impresa no liberdade espresaun, Segunda (05/08/2024).
“Hakat husi baze legal ne’e iha KI nia existensia hahú iha Fulan Maiu tinan 2016 to’o agora ne’e kontinua asegura servisu Jornalizmu no Media inklui hamriik metin ba depende no asegura públiku nia direitu atu hetan notisia ne’ebé lo’os no mos no kualidade tuir lei komunikasaun sosiál no regulamentu konselho de impresa nian,“dehan prezidente consellho impresa CI Otelio Ote.
Ho nune’e prezidente konsellu imprensa, Otelio Ote informa tan relasiona ho notisia ne’ebé hetan deskonfia intervensaun husi secoms ba redasaun Rttl.Ep.
“Hanesan ita hotu hatene ona iha fulan hirak liu ba mosu notisia iha média balun ne’ebé deskonfia intervensaun SECOMS nian iha redasaun RTTL, EP nian liga ho notisia kona-ba primeiru Ministru Xanana Gusmao ne’ebé lakohi kaer liman ho membru Governu sira wainhira fila husi SWiss, iha loron 23 fulan Abríl tinan ne’e, tanba ne’e, bazeia ba informasaun ne’ebé maka CI estabelese iha nia komisaun ida hodi buka hatene lolos faktus kona-ba informasaun ne’e, komisaun hahú nia servisu durante fulan Junu no Jullu hodi buka informasaun direita husi entidade oi-oin inklui Jornalista RTTL, EP,” informa prezidente konsellu imprensa.
Aleinde ne’e prezidente konsellu imprensa, Otelio Ote klarifika mós dadus hirak ne’ebé komisaun hetan hodi konklui ho faktus sira hanesan tuir mai.
“Ba da-huluk, Secoms ba duni iha sala redasaun Rttl ep nian iha loron 23, fulan Abríl tinan 2024 no akompana husi Prezidente Conselho administrasaun RTTL EP. Da-ruak, Secoms wainhira partisipa nu’udar orador iha the DILI DIALOGE FORUM rekoñese katak ba duni sala redasaun Rttl ep. Da-toluk , Konfirma katak Secoms halo duni intervensaun ba sala redasaun RTTL EP nian hodi Muda konteudu ho Títulu Primeiru Ministru lakohi kaer liman ho membru Governu wainhira fila husi SWiss to’o Dili,” nia haktuir.
Enkuantu, Bazeia ba faktus hirak ne’e, konsellu de imprensa hola ona pozisaun hodi kondena maka’as intervensaun ne’e tanba, atetude ida ne’e kontra artigu 40 Konstitusaun RDTL pontu 2 ne’ebé dehan “liberdade ko’alia no informasaun nian labele hetan limitasaun hosi sensura ruma”
“Lamenta atitude ne’e tanba asaun ne’e bele kontribui ba hatun ranking liberdade impresa Timor-Leste nian iha tinan hirak oin mai, tanba ne’e konsellu imprensa mós husu ba SECOMS atu hapara intervensaun hanesan ba iha sala redasaun Média hotu iha Timor-Leste,atu nune’e iha futuru hodi hametin no asegura liberdade impresa no liberdade espresaun. Konselho imprensa hato’o nia apresiasaun ba parte hotu inklui Jornalista hirak ne’ebé kontribui ona informasaun hodi kompleta KI nia deskoberta sira kona-ba asuntu ne’e, no tenke enkoraja Media no redasaun hotu atu hato’o informasaun ba KI, wainhira hetan intervensaun husi sé de’it ba sala redasaun sira,”hakotu nia.
Jornalista : Florentina Bianco da Cruz
Editor : Luhamutu
