Dili 5 Agustus 2024 (RCC) – Koordenadór Komisaun Ezekutivu Zona Ekonomia Espesiál Dezenvolvimentu Oe-Cusse Ambeno ( ZEEDOA), Hodi Hato’o Relatóriu Progressu Servisu, no mós Konsulta Dokumentus ba Primeiru Ministru.
Koordenadór ZEEDOA João Mendes Gonçalves hateten, objetivu husi enkontru ho primeiru ministru atu aprezenta relatóriu servisu nomós prepara estabelsimentu zona ekonomiku espesiál dezenvolvimentu oe-cusse ambeno, simu orietasaun husi primeiru ministru no konkorda sira opsaun ne’ebé mak sira hato’o, segunda (05/08/2024).
“Ha’u foin hasoru malu ho primeiru ministru hodi hato’o relatóriu kona-ba progressu ami nia servisu ne’ebé ha’u hetan mandatu husi konsellu ministru atu prepara estabelesimentu zona ekonomia espesiál dezenvolvimentu oe-cusse ambeno servisu lao dadauk, ha’u mai konsulta ho primeiru ministru tanba foin dadaun ha’u fó ona dokumentus balun tanba ami presiza orientasoens desizaun polítikas ne’ebé mak husi maun bo’ot ka konsellu ministru tanba sira mak nomeia ami iha primeiru ministu nia tutela ami tenki mai simu orientasaun, primeiru ministru konkorda katak opsaun ne’ebé mak ami hato’o atu ami rasik bele haree ida ne’ebé mak di’ak liu ba Oe-cusse hodi sujere ida ne’ebé mak di’ak liu avansa ho ida ne’e duni ami sei halo servisu ida ne’e, ha’u harii ona team ida ho naran sintenk atu komesa haree ona kestaun hotu hodi prepara, ami la’os de’it atu prepara planu estratéjiku dezenvolvimentu oe-cusse ambeno ba tinan lima to’o tinan 2030 maibé ami tenki prepara mos prosesaun orsamental ba implementasaun planu estratéjiku dezenvolvimentu ida ne’e, ami tenki identifika prioriedade saída mak atu halo iha tinan ida primeiru no saída mak atu iha tinan Segundo, no prepara orsamentu ba programa sira ne’ebé mak atu implementa kada tinan, ida ne’e ami nia servisu tenki prepara nomós enguardamentu legál lei ne’ebé mak sei harii entidade juridika mak sei lidera zona ekonomia espesiál dezenvolvimentu oe-cusse ambeno ba tinan lima nia laran, bu’at sira ne’e mak ami prepara dadauk hela, no ohin ha’u hato’o relatóriu ba primeiru ministru kona-ba progressu ida ne’e”, Informa Koordenadór ZEEDOA hafoin remata enkontru ho Primeiru Ministru iha Palasiu Governo Díli.
Koordenadór ne’e afirma tan katak iha enkontru ne’e mós ko’alia kona-ba orsamentu ba tinan oin nian, nomós aprezenta opsaun lima ba primeiru ministru hodi fó orieta atu haree ida ne’ebé mak atu avansa uluk, atu harii tan zona ekonomiku iha englave oe-cusse maibé haree uluk fatin tanba iha fatin balun Estrada sei aat no balun mak foin halo konstrusaun.
“Ko’alia mos osamentu ba tinan oin tanba agora ZEEDOA sei iha personalidade juridiku atu bele iha orsamentu ninia naran entaun oinsa maka ami bele haree ba oin atu hetan orsamentu hodi implementa ona programa sira ne’ebé mak ami identifika ona iha primeiru ano, ne’e duni ami sei tenta nafatin antes final do ano hetan aprovasaun husi konsellu ministru sei nesesariu husi parlamentu atu harii ona entidade juridiku ho estatu no estrutura rasik atu lidera ona ZEEDOA karik ida ne’e iha sei fasilita konseisaun orsamentu, bu’at ne’ebé mak ami aprezenta ideia opsaun kona-ba zona ekonomia espesiál dezenvolvimentu tanba iha diferente tipu zona, opsaun lima ne’ebé mak hili uluk hodi mai primeiru ministru hodi foti desizaun polítika hodi fó orietasaun ba ami hodi haree ida ne’ebé mak ami sei avansa, ami tenta atu halo Mistura ida atu bele absorve ida ne’ebé bele di’ak ba iha oe-cusse, zona ekonomiku ita harii iha fatin ida ita presiza estrutura ne’ebé ha’u husu ba primeiru ministru karik ita harii iha englave oe-cusse tomak ka areas balun husi englave oe-cusse, ha’u sujere ba primeiru ministru dalan di’ak liu ita halo iha oe-cusse tomak, maibé ita seidauk iha infraestrutura sub-rejiaun tanba atu ba de’it mos foin hahu konstrusaun, iha fatin balun Estrada seidauk di’ak, entaun bele hahu iha Pante Makasar maibé iha pante makasar mos iha aeroportu iha abstensaun, tenki terminal ida kontentores iha halo fatin turista tenki iha fatin ba ró kruzeirus sei lori turista ba bu’at sira ne’e ami sei haree dal aida tan,” nia hakotu.
Jornalista : Leo Alves
Editor : Luhamutu
