Dili 7 Agustu 2024 (RCC) – Sekretáriu Estadu Formasaun Professional Empregu (SEFOPE)-Liuhosi Diresaun Nasional Estranjeiru Halo Semináriu Ho Tema Dezafiu Kriasaun Empregu Iha Timor-Leste, ne’ebé Numeru A’as Liu Kompara ho Taxa Populasaun.
Iha diskursu, Diretor ezekutivu SEFOPE Paulo Alves hateten, objetivu husi semináriu ne’e atu aprezenta ka dezamina informasaun kona-ba merkadu traballu ne’ebé mak timor-leste iha desempregu númeru aas iha ita nia ra’in, (09/08/2024).
“Tinan 2024 SEFOPE liuhosi sentru formasaun organiza tan semináriu nasional ida ho tema dezafiu kriasaun empregu iha timor-leste objetivu husi semináriu ida ne’e mak aprezenta desamina informasaun kona-ba merkadu traballu ne’ebé mak timor-leste ninian ho ida ne’e mak konvida oradór sira maibé husi áreia espesialidade sira hodi hato’o sira nia perspetiva ka hanoin kona-ba desafiu ita nia ra’in hasoru liga ba kestaun desempregu, ne’ebé ita nia númeru aas iha timor-leste ita kompara ho taxa populasaun timor-leste nian 51% mak desempregu númeru ida ne’ebé mak aas ita nia ra’in, no ha’u fi’ar oradór sira espresa sira nia matenek esperiénsia liuhosi sira nia área ida ne’e ba kontribuisaun ba desempregu ne’ebé mak ita iha, orsida ita boot sira halo aprezentasaun diretor nasional sentru no traballu sira haree no analiza hato’o ita boot sira nia perspetiva ba Governu atu nune’e ita bele buka mekanismu hodi resolve”, Dehan Diretor ezekutivu SEFOPE iha salaun CNE Laline larikutu Díli
Ho nune’e Diretor Paulo Alves afirma tan katak, kestaun desempregu la’os Governu nia responsabilidade mesak maibé presiza ema hotu-hotu nia responsabilidade hodi dudu no kria polítika liga ba kestaun desempregu.
“Desempregu iha timor-leste, tanba nasaun desempregu la’os Governu nia responsabilidade de’it, kestaun desempregu responsavél ita hotu-hotu, sosiedade sivil, Governu, NGO nasional no internasional ita iha responsabilidade atu buka solusaun ba problema desempregu, SEFOPE hanesan orgaun estadu nian ne’ebé hamriik iha oin hodi dudu, buka kria polítika liga ba kestaun desempregu ne’ebé ita nia ra’in enfrenta hela, no ha’u fi’ar katak orsida aprezenta husi diretor nasional sira kona-ba situasaun real ne’ebé mak merkadu traballu iha timor-leste depois aprezentasaun, no setór ida-idak sei hato’o sira nia hanoin sira nia ba solusaun ba kestaun ne’ebé mak ita enfrenta ida ne’e ita konvida husi setor privadu oinsa bele simu timor-oan ne’ebé mak remata ona husi universidade atu nune’e bele Kompete iha merkadu traballu nomós konvida akademista sira husi universidade institute of bussines IOB sira sei hato’o sira nia perspetiva hanoin, liga ba kestaun desempregu,” Tenik Diretor
Aleinde ne’e, reprezentante sekretáriu estadu SEFOPE, Nelson Soares hateten, bainhira la iha dadus kona-ba desempregu entaun ne’e retórika ka lian mamuk, tanba ne’e ita hotu nia responsabilidaade hodi responde ba merkadu traballu.
“Hakarak agaradese ba diresaun merkadu traballu ne’ebé mak bele realiza semináriu ba loron ida ne’e bu’at saída mak ohin diretor ezekutivu hato’o ba ita hotu bu’at importante ne’ebé mak ba timor-leste no responsavél ita hotu nian ba universitáriu sira, sosiedade sivil, atu responde ba bu’at sira ne’ebé mak ohin diretor hateten desempregu iha timor ne’e 51% husi total ne’e katak ita hotu iha responsabilidade tanba saída asuntu importante ne’ebé ita hotu hodi responde ba merkadu traballu, entaun hanesan ohin la iha dadus ne’e retórika de’it, entaun dadus sira ne’e orsida diretor merkadu traballu sira sei aprezenta ba ita hotu ida ne’e ita buka liliu ba oradór ita bo’ot sira nia papél koko atu konvense dadus sira, hanesan Governu ami husu atu ita boot sira nia kontribuisaun ideias atu nune’e bele responde ba servsiu saída maka Governu halo liuhosi SEFOPE, ha’u agradese tebes tanba oradór sira bele partisipa no marka presensa iha semináriu ne’e hodi fahe esperiénsia” Nia hakotu.
Jornalista: Leo Alves
Editor : Luhamutu
