Díli, 8 Agustu 2024 (RCC) – Forum universitariu anti-sexsisme (FUAS) halo komunikadu imprensa relasiona ho kazu asedu sexual ne’ebé mak Pratika husi suspeitu ho inisial DT nu’udar dosente orientadór ba vitima ne’ebé hanesan estudante universidade da paz (unpaz).
Iha komunikadu imprensa ne’e, Porta voz FUAS, Ermelinda de Jesus Gomes hateten, bazeia informasaun ne’ebé mak publika iha média Indepente iha fulan kotuk mosu asedu sexual ne’ebé deskonfia Pratika husi dosente ho inisial DT, ho nune’e forum universitáriu anti-sexsismo konsidera aktu inmoral no krime, (09/08/2024).
“Forum universitariu anti-sexsista fó solidariu ba vitima ne’ebé mak hetan asedu sexual, bazeia ba informasaun ne’ebé publika iha média independente iha tersa feira loron 30 fulan jullu tinan 2024 katak, mosu asediu sexual ne’ebé deskonfia pratika husi suspeitu inisial DT hanesan dosente orientadór hasoru vitima hanesan nia estudante orientada ida, Fana nu’udar estudante feto ida husi universidade da paz dadaun ne’e orienta hela nia monografia tanba ne’e iha loron 24 fulan jullu tinan 2024 13:45 oras timor-leste liuhosi via whatsapp suspeitu inisial DT nu’udar nia orientadór Haruka Fana ba hasoru iha orientadór nia servsiu fatin atu orienta, bainhira to’o iha dosente orientadór nia fatin hodi orienta, hafoin orienta Fana atu fila dosente orientadór halo asedu sexual hasoru nia, orientadór ne’e dada Fana nia liman hodi ka’er no buti nia orgaun sensitivu hirus matan nian halo Fana hakfodak hodi trauma hodi hikis-an. Maibé orientadór ne’e nafatin ka’er metin Fana nia liman hodi dada nia no dehan nia hakarak ka’er tan Fana nia isin. Relasiona aktu hirak ne’ebé mak mensiona tiha ona iha kronolojia ne’ebé cita iha leten, ami husi Forum universitáriu anti-sexsismo konsidera katak asedu sexual ne’ebé inisial DT Pratika nu’udar aktu inmoral no aktu kriminal ne’ebé presiza kontra no kriminaliza tanba husi Forum Universitáriu nia haree katak kazu asedu sexual la’os foin akontese maibé akontese bei-beik iha instituisaun sira liliu instituisaun akademiku nian no la’os de’it akontese iha akademiku UNPAZ maibé iha instituisaun seluk mós akontese”, Dehan Porta voz Ermelinda iha Kampus Sentra UNTL
Aleinde ne’e, Porta voz Ermelinda akresenta tan katak aktu ne’ebé mensiona iha leten sai hanesan referensia ba manorin-na’in sira atu nune’e labele akontese tan aktu refere, tanba ne’e forum universitáriu husu ba instituisaun privadu no instituisaun publika sira, liu-liu ba juiz atu foti desizaun ho lolos no justu.
“Faktu ne’ebé mensiona iha leten sai referensia no espasu ba manorin-na’in sira ho instituisaun akademiku sira seluk possibildade bele aplika tuir nomós bele mos antes ne’e Pratika uluk ona, ho ida ne’e ami forum universitáriu anti-sexsismo afirma ami nia posizaun hodi kontra total hahalok sexsismo ne’ebé Pratika husi manorin-na’in sira iha nivél universitáriu no iha ambiente ne’ebé de’it relasiona ho akontesimentu ne’ebé ami husi FUAS hakarak fó ami nia solidariedade ba vitima hodi, husu ba estrutura Universidade da paz (UNPAZ), atu hasai dosente ho hahalok sexsismo ho obrigatoriamente, husu mos ba dekano estrutura fakuldade direitu Universidade da paz atu troka vitima nia dosente orientadór, husu ba estrutura universidade sira seluk atu kontrola sira hodi labele akontese tan aktu sexsismo iha instituisaun refere, husu mós ba ministeriu ensinu superior atu toma atensaun aktu inmoral no aktu criminal ne’ebé instituisaun akademiku sira produs, ikus liu husu ba tribunal liliu juiz atu foti desizaun ho justu no neutro, lae ba asedu sexual, lae ba mentalidade sexsista”. Hakotu Porta voz
Jornalista: Leo Alves
Editor : Luhamutu
