Dili, 12 Agustus 2024 (RCC)- Prezidente Republika Jose Ramos Horta Fo Pose Ba Timor Oan Nain Rua Sai Embaixador Extra Ordinariu Plenipotensiariu Ba Nova Zelandia Ho Republika Korea Do Sul.
Iha entrevista ho Ministru Negosius Estranjeirus no Kooperasaun, Bendito Freitas hateten, Prezidente Republika fo pose ba embaixadores nain nain rua Mak Idelta Maria Rodrigues nudar embaixadora extra ordinariu ba Nova Zelandia no Antonio de Sa Benevides nudar embaixador ba Korea di Sul atu nune’e bele reforsa nafatin servisu diplomasia iha rai liur.
“Prezidente Republika fo tomada de pose ba embaixadores nain rua ida maka senhora Idelta Maria Rodrigues ne’ebe maka sei toma pozisaun nudar embaixador extra ordinariu pleanipotensial ba Nova Zelandia, segundu maka Antonio de Sa Benevides nudar embaixador extra ordinariu plenipotensiariu ba Korea do Sul, tan ne’e seremonia tomada de pose ida nee sempre iha mudansa atu nune’e bele reforsa nafatin servisu diplomasia iha rai liur,” dehan Bendito Freitas.
Iha fatin hanesan Idelta Maria Rodrigues ne’ebe sei asume knaar nudar embaixadora Timor Leste ba Nova Zelandia, agradese tebes ba Prezidente Republika ne’ebe maka fo knaar Ida nee hodi bele reprezenta povu Timor Leste ba iha Nova Zelandia.
“Primeiru lugar agradese ba Maromak Segunda agradese ba konfiansa nai Prezidente no estadu fo Mai Ami atu bele knaar Ida hodi bele reprezenta estadu Timor Leste, povu Timor Leste atu hamorin kooperasaun Sira ne’ebe maka durante nee halo ona entre nasaun Sira espesialmebte kargu Ida ne’ebe Mak Hau kaer hamutuk ho nasaun Nova zelandia ho Timor Leste,” katak Idelta Maria.
Ho nunee nia komprimitidu katak, sei kontinua hatutan servisu ne’ebe embaixador halo hela hodi nune’e bele hametin liu tan relasaun bilateral ne’ebe maka nasaun rua nee halo ona.
“Sei Kontinua hatutan saida maka durante nee embaixadora halo hela no hanoin katak planu hotu tenki tuir politika ne’ebe maka ministeriu Negosius Estranjeirus iha no ao mesmu tempu bele aliniamentu ba saida maka sai perioridade ba Nova embaixadora, no hau hanoin katak ami sei hare planu ne’ebe maka oras nee iha depois klaru ami mos sei hasoru embaixadora no ami tenki hasoru malu atu nune’e persija kombina no koalia ba malu saida maka durante nee halo ona no mos hato’o embaixador sesante mai iha embaixador aktual atu nune’e bele halo preparasaun ida ne’ebe diak liu no kontinua hametin lasus amizade ne’ebe maka durante nee nasaun rua halo ona,” hateten Idelta Maria
Aliende ne’e mos Antonio de Sa Benevides mós agradese ba Xefe estadu no Primeiru Ministru ne’ebe fo konfiansa tomak ba nia hodi asumsi kargu nudar embaixador Timor Leste ba Korea di Sul.
“Hakarak hato’o profundu gratidaun ba Prezidente da Republika no Primeiru Ministru ba konfiansa ne’ebe fo mai hau hodi asume kargu nudar embaixador ba iha Korea do Sul no hau mos hakarak agradese ba maluk sira iha prezidnte ninia office no mos ba maluk sira iha ministeriu Estranjeirus ba apoiu tomak hotu ne’ebe prepara ba kondisaun hotu ne’ebe ohin loron ami bele hetan pose”. haktuir Antonio de Sa Benevides.
Nia salienta katak, molok desloka ba Korea do Sul sei simu Uluk instrusaun husi prezidnte Republika, primeiru.ministru no membrus governu husi mnek no embaixador Korea Nia iha TL no inklui mos sefope tanba sefope ho korea iha relasaun Diak tebes tanba ne’e tentanagu hasoru hodi nune’e bele hametin liu tan relasaun ho planu perioridade sira.
“Perioridade mak nee Primeiru lugar hau sei mai fila fali hasoru Prezidente da Republika hodi simu instrusaun molok desloka ba Korea no sei hasoru mos membrus governu MNEK rasik, Primeuru Ministru, Embaixador Korea nian ne’ebe hela iha Timor Leste no mos Sefope, tanba ho Korea ita nia relasaun diak tebes no Ita haruka ona traballadores barak ba Korea entaun instituisaun sira ne’ebe maka servisu hela Neste momentu ho Korea hau tenke tenta atu hasoru hotu atu nune’e planu ida ne’ebe mak diak hodi bele hakat ba iha Korea atu bele hametin relasaun ho planu preriodades sira ne’ebe maka Ita nia Governu no Estadu hakarak hametin ita nia relasaun ho Korea,” hakotu Antonio de Sa.
Jornalista : Tonia Neto
Editor : Luhamutu
