Díli, 12 Agustus 2024 (RCC) – Delegasaun CBR Husi Indonésia Ne’ebe Organiza Husi Organizasaun Hadomi Timor Oan (RHTO) Hala’o Enkontru ho Prezidente Repúblika Hodi Entrega Hela Motor Roda Tolu, Atu Nune’e Prezidente Repúblka Bele Entega Fali ba Maluk Difisiénte Ne’ebé Presiza.
Iha entrevista Direitor Joãozito dos Santos, hafoin remata enkontru ho Prezidente Repúblika Jose Ramos Horta iha fatin Palasiu Prezidensial Bairu Pite Dili, hodi hatuir ba jornalista sira katak,objetivu husi RHTO halo audensia ho sua exelensia prezidente repúblika atu hato’o komprimentu no atividade ne’ebe RHTO hamutuk ho organizasaun difisiénte husi indonésia hodi aprende ba malu kona ba esperiénsia ne’ebe maka nasaun rua ne’e halo iha RHTO hodi entrega mós motor ida ba Prezidente Repúblika, (12/08/2024).
“Objetivu ami halo audénsia ho sua exelénsia Prezidente Repúblika hodi mai mós hato’o ami nia komprimentu, no atividade sira ne’ebe ami halo hamutuk ho kolega sira husi Indonésia hodi aprende ba malu kona ba esperiénsia ne’ebe maka nasaun rua ne’e halo no iha rehabilitasaun ba iha komunidade sira ne’ebe maka sei hahú ohin loron, tanba ne’e kolega sira mai horiseik no ohin ami hahú ona durante loron rua iha RHTO, tanba ne’e loron tolu ka ha’at ne’e sei hahú tan iha klínika uma ita nian Aileu. Ho nune’e, ohin prezidente simu ami ho kontente no nia preokupa tebes ho asuntu difisiénsia ne’e, liu-liu ba inkluzaun difisiénsia no mos nia kontente tanba bele iha esperiénsia ne’ebe bele fahe ba malu entre nasaun rua ne’e, tanba ne’e sua exelénsia mos expresa katak, diskriminasaun ne’ebe maka akontese ba iha ema difisiénte sira, liu husi alokasaun orsamentu jeral ne’ebe maka sei menus no sei kiik tebes ba ema kiak sira no mós ba ema difisiénte sira, ho ida ne’e sua exelensia mos aprofeita tempu ida ne’e husi RHTO hodi entrega hela motor roda tolu ida ba sua exelénsia, atu nune’e prezidente repúblika mós bele entrega fali ba ema ho difisiénsia sira ne’ebe maka presiza, hodi nune’e bele fasilita ema ho difisiénsia sira nia movimentu,” dehan Joãozito dos Santos.
Aleinde ne’e Joãozito informa tan katak, Motor ne’ebé sira produz iha Timor ne’e 10 no ida maka sira entrega ona prezidente repúblika, tanba ne’e hamutuk motor tolu maka oferese ona no hitu sira sei fa’an.
“Motor ne’ebe ami produz iha timor maka ida ami entrega ona ba sua exelénsia prezidente repúblika no seluk ami sei halo tan buat seluk,maibé, ami sei hatete sai, tanba ne’e motor tolu maka ami sei oferese no hitu maka ami sei fa’an atu nune’e grupu sira ne’ebe halo produsaun ne’e bele halo sustentabilidade no nafatin halo produsaun ba oin,” Joãozito informa.
Ho nune’e Joãozito akresenta tan katak, RHTO orgullu tebes ho programa ne’ebé hetan apoiu husi Govenu Alemana no mós organizasaun sira seluk hodi tau matan ba maluk difisiénte sira.
“Programa ida ne’e apoiu husi governu alemana atravesa husi mizerior KJL no organizasaun katólika ne’ebe maka halo apoia no mós organizasaun sosiedade sivil sira iha timor-leste ho tempu ne’ebe naruk teb-tebes, tanba ne’e RHTO orgullu tanba hetan apoiu ida ne’e, no bele mós halo buat ruma ba ita nia maluk difisiénte sira,” akresenta.
“Enkuantu, organizasaun Raes Hadomi Timor Oan (RHTO) servisu hamutuk ho husi organizasaun difisiénsia husi indonésia hanesam sumba, selatan, makasar, labuan baju, flores manggarai no husi klínika uma ita nian Aileu, mizerio KJL Alemana, hodi apoiu iha programa ida naran Rehabilitasaun Bazeia ba Komunidade (CBR- Sigla ingles) ne’ebe apoia makas liu ba iha ema ho difisiénsia sira,” nia hakotu.
Jornalista : Adelina Fátima
Editor : Luhamutu
