Dili, 14 Augostu 2024 (RCC)- Fundasaun codiva hari iha tinan 2014 no hetan registu husi membru frongtil no hetan legalidade husi ministeiru justisa husi departamentu notariadu nian ho ida ne’e fundasaun coalition for diversity and action (CODIVA) hala’o nia servisu halo sensevilizasaun hodi koalia kona-ba promove direitu komunidade LGBTQIA+
Iha intervista formador fundasaun CODIVA Roberto Soares hateten, CODIVA nia servisu mak atu sensiabilizasaun no fahe informasaun sira konaba eszistensia komunidade LGBTQIA+.
“Durante ne’e atividade barak mak codiva rasik halo mak liu-liu ba iha halo sensiabilizasaun no fahe informasaun sira konaba eszistensia komunidade LGBTQIA+ no husi CODIVA nia servisu ida mós halo asistensia no sira nian no bainhira sira iha kazu ruma CODIVA iha hodi akompana no hare’e ba iha kazu sira hanesan ne’e oinsa mak sira bele hetan tratamentu ne’ebé mak hanesan mós ho sidadaun sira ne’ebé mak iha, tanba dala-barak ita nia komunidade LGBTQIA+ barak mak hetan violensia liu-liu estigma diskriminasaun, entaun ida ne’e sai fali hanesan bareira no sira mos labele kontinua sira nia estudu balun remata no balun mos afeita sira labele hetan tratamentu iha saude ,entaun ho ida ne’e CODIVA halo advokasia dala-barak liu konaba direitu eme LGBTQIA+, no ita halo ho autoridade lokal sira nomós parseiru sira oinsa mak ita hasae sira nia koinesimentu atu bele utiliza termu sira esensivel, oinsa mak bele halo atendimentu ba iha situasaun sira ne’ebé mak komunidade LGBTQIA+ sira hasoru,CODIVA nafatin esforsu liu husi sensibilizasaun sira iha nasional no bele to’o iha munisipiu no sira bele informasaun sira hanesan atu nune’e sir abele asegura bainhira komunidade balun hetan violensia oinsa bele halo tratamentu ne’ebe mak hanesan ema umanu ida hanesan mos sidadaun ida iha nasaun timor-leste,” dehan Roberto Soares.
Nia informa tan katak sira hetan informasaun balunkona-ba komunidade LGBTQIA+ ne’ebé hetan diskriminasaun no sira labele kontinua sira nia estudu , tamba ne’e CODIVA nafatin halo advokasia ho parte edukasaun sira hodi sensibiliza atu ema bele komprende komunidade LGBTQIA+.
“Iha informasaun ne’ebe mak iha kolega barak mak hetan buli,estigma diskriminasaun sira labele ba kontinua sira nia eskola tanba laiha fatin ne’ebe mak seguru ba sira ho ida ne’e mak CODIVA nafatin halo advokasia ho parte edukasaun sira hodi sensibiliza atu ema bele komprende no bele sensivel ho asauntu komunidade LGBTQIA+,Kuaze kolega barak mak hetan violensia iha sosiedade no balun inan aman rasik la simu sira dalabarak sira nia ezistensia komunidade sira la fo espasu ba sira atu espresa sira nia identidade hanesan ema LGBTQIA+ dalaruma sira hato’o keisa hanesan hetan violensia entaun codiva sempre akompana sira to’o la servisu mesak maibé hamutuk ho parseiru sira oinsa mak bele refere sira ba iha referal sira hanesan polisia,alfela pradet atu bele tulun liga ba asuntu sira ne’e hodi bele hetan tratamentu hanesan mós sidadaun sira seluk, asistensia ne’ebé mak CODIVA iha mak ba oin nafatin fo informasaun liga ba iha oinsa mak sira bele komprende saida mak LGBTI rasik tanba komunidade barak mak seidauk hatene no oinsa tau uza termu diak sira,dalabarak ita laos foka deit ba iha autoridade lokal sira maibe nafatin mos ba iha komunidade LGBTQIA+ sira rasik nune’e sira mos bele komprende saida mak LGBTQIA+ no oinsa mak sir abele komprende buat ne’ebe mak kontribui iha sira nia isisn lolon rasik,” hakotu Roberto Soares.
Jornalista: Romana Salsinha
Editor: Luhamutu
