Díli, 12 Agustus 2024 (RCC) – konsellu imprensa kontinua fó formasaun ba formandu nain 16 atu bele entende didi’ak ida ne’e atu bele kompete ho konteudu diversidade notisia inkluzivu sira.
Iha sormutu ne’e Direitor Ezekutivu Konsellu Imprensa, António Dias hateten iha fatin salaun KI ba katak, jornalista sira ne’ebé iha prespetividade ,inkluzividade mak bele halo notisias inkluzivu, sira ne’ebé laiha perspektiva inkluzividade labele halo notisia inkluzivu.
“Atividade formasaun ida ne’e hahu ba dala rua ona,ida primeiru iha Ermera Gleno no Railaku fo ba formandu hamutuk nain 25 no iha fali ida segundu ne’ebe hala’o ba loron ohin nian hamutuk ema nain 16 no ha’u fiar katak imi sei esforsu liu tan atu aprende, imi hatene dehan jornalista sira ne’ebé iha prespetividade ,inkluzividade mak bele halo notisias inkluzivu sira ne’ebé laiha perspektiva inkluzividade labele halo notisia inkluzivu tanba ne’e mak halibur ita bo’ot sira ne’e ho hanoin ida katak ita bo’ot sira sei sai jornalista ne’ebé ho perspektiva ne’ebé nakloke ba iha diversidade,igualidede hodi depende sira marzinalizadu minoritariu iha ita nia Rain, tanba ne’e notisias inkluzivu naton deit halo balansu, maibé importante liu halo inklisivu atu ema labele marzinaliza ema ne’ebé marzinalizadu, tanba ne’e fasilitador sira iha esperensia barak iha area ida ne’e no sai autor iha matadalan jornalizmu inkluzivu ida ne’e, entaun uza loron tolu ne’e atu haklean imi nia konesimentu, atu nune’e sai hanesan meius ida ba joven inkluzivu nia laran, iha ita nia rain ne’e no iha grupu minoritaria oi-oin iha kazu balun sein hatene, tanba ita laiha koinesimentu ba iha termus ida ita halo buat ne’ebé bias ba notisia sira, entaun uza oportunidade ida ne’e hodi bele hamoris sosiedade ne’ebe inkluzivu,” dehan Direitor Ezekutivu António Dias.
Iha fatin hanesan, prezidente konsellu imprensa, Otelio Ote informa, espera katak ho instituisaun ida ne’e bele iha mudansa barak no halo interasaun di’ak liu tan bainhira iha eventu nascional sira.
“Husi ema 16 lolos ne’e ita espera katak ho movimentu sira hanesan ne’e numeru aumenta ba bei-beik, maibe ita bo’ot sira iha nesesidade espiritu pronto atu bele partisipa formasaun sira hanesan ne’e tenki sae ba bei-beik, husi ne’ebe de’it bainhira labarik ida mak organiza enkontru ida ka formasaun ida kona-ba jornalizmu ha’u dalaruma marka prezensa iha ne’eba, uluk kedas barak ka uitoan ema barak mak hetan influensia husi saida mak SFG oferese, 2016 ita iha ona konsellu imprensa, espera katak ho instituisaun ida ne’e bele iha mudansa barak no halo interasaun diak liu tan bainhira iha eventu nasional sira ne’ebe mak iha ita bo’ot sira atu protestu, ami mos bele halo buat ruma, maibe to’o ikus laiha evidensia hatudu mai ita katak, konselu imprensa mosu hafoin espiritu husi jornalista sira aumenta ba bei-beik,” prezidente konsellu imprensa, Otelio Ote informa.
Aleinde ne’e prezidente konsellu imprensa salienta tan katak, formasaun ida ne’e,importante ba jornalista sira durante tuir formasaun loron tolu ne’e hodi entende didi’ak formasaun ida ne’e atu bele kompete ho konteudu diversidade notisia sira.
“Tanba ne’e sorti di’ak ba ita bo’ot sira ne’ebe mak partisipa iha formasaun ida ne’e,importante loron tolu ne’e hetan netik bukae balu konaba diversidade notisia,no orador sira sei esplika diak liu tan konaba konteudu espesie saida mak importante iha asuntu diversitariu ida ne’e,ba ita bo’ot sira iha protestu karik imi presija mos hatene katak konselu imprensa tinan-tinan iha premiu media ida ba asuntu sira hanesan ne’e, tanba ne’e konselu imprensa sempre iha premiu kona-ba asuntu sira hanesan ne’e la’os kona-ba diversidade de’it, maibé kona-ba kualidade notisia, no ita bo’ot sira entende di’ak ida ne’e atu bele kompete ho konteudu diversidade notisia sira,” hakotu , prezidente konsellu imprensa Otelio Ote.
Jornalista : Romana Salsinha
Editor : Luhamutu
