Dili, 15 Agostus 2024 (RCC) Ministeiru Interior Fransisco Guterres partisipa iha Polísia Nasional Timor-Leste (PNTL) hodi halao inagurasaun eskuadra Dom Aleixo
Iha diskursu, Komandu geral PNTL komisariu Hendrique da Costa hateten, PNTL marka istória bo’ot hodi hetan fatin ne’ebe di’ak no dignu ba sira hodi hala’o servisu.
“Ohin Marka istoria bo’ot ida iha Polisia Nasional Timor Leste (PNTL) tanba ita bele hetan fatin ida ne’ebe diak no dignu ba PNTL, patrikularmente ba iha eskuadra Dom Aleixo, atu nune’e hala’o sira nia servisu, ita hatene katak, eskuadra hotu iha Timor-Lest,e Dom aleixo sempre sofre wainhira udan, fatin ida ne’e sai hanesan kolan ou tasi ne’ebe mosu iha ne’e, iha tinan kotuk fatin ne’e Viral tanba liu husi udan bo’ot ne’ebé akontese ba motor ho kareta, ita nia membru sira atu sai husi fatin mos la diak no esforsu tomak husi Governu ninian, Governu da-VIII halo projetu ne’e la remata, maibe governu da-IX, halo kompletu projeitu ida ne’e, ohin ita bele inagura no entrega mai iha PNTL atu nune’e bele utiliza,” dehan Komandu geral PNTL komisariu Hendrique da Costa.
Ho nune’e, Komandu geral PNTL komisariu Hendrique da Costa mós hato’o lia menon ba Ministériu interior katak, ministériu interior bele koloka orsamentu balun ba sira atu sosa instrumentu hodi utiliza iha edifisiu refere.
“Ami nia lia lia menon ba Minsteriu interiór katak, edifisiu ne’e tama ba laran sei mamuk, entaun sira seidauk bele utiliza atu halo servisu, tantu ba iha ministeriu interior husi komando rasik oinsa bele koloka Osan atu nune’e bele sosa mobilidade Sira hanesan Kadeira, Meza, Armariu, no sasan sira seluk, tanba ne’e ami sei tenta koloka uluk, atu nune’e bele utiliza hodi halo servisu fatin ida ne’e estratejiku teb-tebes, banhira ita koloka ita nia PNTL, atu nune’e movimentu ema ninia ne’e fasil ita bele kontrola no hatudu prejensa polisia Sira nian, ha’u fiar katak, ida nee la remata iha ne’e, maibé Ministeriu interior husi ita nia polítika, oinsa bele hare’e mos ba iha eskuadra sira husi Municipiu 13 ne’e,” nia rekomenda.
Iha fatin hanesan, Ministeiru Interior Francisco Guterres informa, governu Presiza tau atensaun ba iha infraenstura PNTL, tanba sira maka hetan mandatu Profisional hodi hala’o seguransa ba Nasaun ida ne’e no Povo no rai ida ne’e.
“Ita Ohin ne’e serimonia hatudu duni katak, governu Presiza tau atensaun ba iha infraenstura PNTL nian, tanba PNTL maka hetan mandatu Profisional hodi hala’o seguransa ba Nasaun ida ne’e Povo no rai ida ne’e tanba governu iha obriga atu tau kondisoens ne’ebé di’ak ba sira bele hala’o servisu di’ak liu tan,” informa Ministeiru Interior informa Francisco Guterres.
Iha biban ne’e Ministeiru Interior Francisco Guterres mós fó agradese ba governu anterior hari eskuadra Dom Alexu, maske la konsege hotu.
“ha’u tenke Agradese ba governu anterior ho polítika konsege hari eskuadra Dom Alexu hanesan proditivu ba eskuadra sira seluk tan Iha tinan ida ne’e iha ona planu ona eskuadra Kristu Rei tama iha planu tinan ida ne’e duni sei hahú konstrusaun depois sei kontinua eskuadra nain feto, eskuadra eskuadra Verkruz ne’e sei hahú, depois iha kada Munisípiu ida ou rua sei harii eskuadra iha manatu ita sei harii tinan ida ne’e tanba agora dadaun ita buat hotu-hotu iha oras públiku ba ademi para depois atu nune’e hahú prosesu tendelizasaun iha ne’ebá agora kona-ba fronteira fronteira lakleur tan ita hahú abilitasaun tan ba iha postu tomak husi Munisípiu Baucau Cova-lima depois ba iha Oecusse parte fronteira tau hamutuk 47 projetu ita halo fronteira tinan ida ne’e nian,” hakotu Francisco Guterres.
Jornalista : Florentina Bianco da Cruz
Editor : Luhamutu
