Díli, 15 Agustus 2024 (RCC) – Ministériu Agrikultura Pekuária no Peskas Florestas sei oferese Traktor no Mákina hamutuk 164 ba Agrikultor sira iha Munisípiu tolu hanesan Kovalima, Ainaro no Bobonaro.
Iha diskursu ministru, Ministériu Agrikultur Pekuária no Peskas Florests Marcos “MAMETA” da Cruz hateten ba Jornalistas sira iha fatin MAPPF Komoro katak, Hao lansamentu ba ekipamentus hirak ne’e hodi fó ba Agrikultor atu bele aumenta produsaun.
“Ita halo lansamentu ba ekipamentu sira né’ebé ita sosa atu fó ba ita nia agrikultor sira hodi bele aumenta ita nia produsaun, tanba ne’e atu fó hatene ba membru governu no vise-primeiru ministru katak, iha ne’e ita halo lansamentu ba ekipamentus kompostu husi traktor bo’ot no traktor ki’ik, transpanter ka mãkina kuda hare no mós mãkina koa hare, ekipamentu sira ne’e sosa husi pasamentu estadu no mós Orsamentu né’ebé ita hetan apoiu husi Banku Mundial né’ebé ita bolu naran programa sautil, programa ida ne’e hahú kedas iha IV governu maka ita husu hodi halo proposta no hetan aprovasaun iha tempu ne’ebá, maibé nia ezekusaun komesa iha 2006 fó ba munisipiu 7, hafoin ohin ita halo tan lansamentu ba ekipamentu hirak ne’e hodi oferese ba Munisípiu tolu de’it maka hanesan, Kovalima, Ainaro no Bobonaro, ne’e ekipamentus husi Sapit nian, husi ekipamentu sira ne’e hamutuk Traktor 38, Makina kuda hare hamutuk 103 no Makina koa hare hamutuk 23, ne’e ba iha Munisípiu tolu de’it, ba minisípiu ha’at ita sei prosesa hela hafoin fahe mós ba sira. Dehan Marcos “MAMETA”
Aleinde ne’e nia akresenta tan katak, durante ne’e fó de’it maka traktor tanba ne’e labele halo servisu hotu, tanba ne’e IX governu tenke produz mákina kuda Natar no koa hare atu bele redúz servisu kuda Natar.
“Iha ne’e aumenta ho mákina kuda hare no mákina koa hare, tanba durante ne’e ita hatene katak, ita bele fó traktor ba maibé ita sei halo de’it servisu iha parte ida, tanba ne’e agora ita tama ona iha faze seluk atu iza hodi kuda hare no koa hare, atu nune’e bele reduz ona ita nia servisu tuir ema ne’ebè halo servisu kuda Natar, tanba ne’e agora ita tenke buka atu prodúz mákina sira ne’e atu bele aumenta ita nia produsaun no Orsamentu estadu ba tinan ida ne’e nian, ita sosa traktor bo’ot 25 ho ninia ekipamentus hanesan sarua no trotoar tanba ne’e Munisípiu ida hetan Traktor rua ka tolu, tanba balu ita sosa iha tinan 2023 no balun ita fó ona ba munisípiu balu, no ita sosa mós trotoar ki’ik 104 iha tinan ida ne’e,” nia akresenta.
Ho nune’e Marcos “MAMETA” salienta, MAPP halo koordenasaun ho Presidente Autoridade husi minisípiu tolu ne’e hodi halo ona enkontru atu entrega ekipamentus hirak ne’e na Agrikultor sira.
“Ami mós halo koordenasaun ho prezidente Autoridade iha Munisípiu tolu ne’e hodi halo enkontru ona, ne’e duni ekipamentu sira ne’e ami sei entrega no halo koordenasaun di’ak hodi fó ba agrikultor sira ne’ebè maka iha duni Natar ka to’os atu nune’e sira bele prodúz duni hahán,” Marcos “MAMETA” salienta.
Liu husi biban ida ne’e Ministériu Agrikultura no peskas florestas hakarak informa mós ba Primeiru Ministru relasiona ho komemorasaun loron 30 Fulan Agustus ba tinan 2024 nian ne’ebe sira halo ona preprarasaun atu halo kompetisaun iha loron 26 to’o 28.
“Ami husi Ministériu Agrikultura Peskas no pekuária hakarak informa mós ba Primeiru Ministru kona-ba komemorasaun loron 30 Fulan Agustus iha tinan ida ne’e nian, Ami prepara ona atu hala’o iha loron 26 to’o loron 28, tanba Ministériu Agrikultór mós tau importânsia ba ida ne’e hodi hasa’e Bandeira Nasional no hala’o kompetisaun hanesan dada tali, halai karon no seluk tan,” Nia informa.
Enkuantu, lansamentu ba Traktores hirak ne’e hetan partisipasaun máximu husi Primeiru Ministru, Membrus Governu, Direitores Jerais, Direitores Nasionais , Ministériu obras Públika, Direitor Jeral Banku Mundial, Funsionarius Ministériu Agrikultura sira no mos manan nain ba Traktores, hakotu Nia.
Jornalista : Adelina Fátima
Editor : Luhamutu
