Dili, 16 Agustus 2024 (RCC)- Negosiante Aurelia da Costa ho Inan Arminda Soares Ne’ebe Buka Moris Iha Jardin Largo Lecidere Sente Triste ho Governu Nia Desijaun Ne’ebe Muda Sira ba Iha Merkadu Manleuana.
Iha entrevista ho negosiante Aurelia da Costa, idade 48 hela iha Bidau Masaur ne’ebe buka moris iha Jardin Largo Lecidere sente triste ho desijaun governu nian ne’ebe muda sira ba merkadu manleu tanba fa’an iha Largo sente diak kompara ho merkadu manleu tanba sasan hirak ne’ebe sira fa’an ne’e iha Manleuana mos ema fa’an hela ho nune’e nia sente triste, (16/08/2024).
“Sente triste tanba ami fa’an iha ne’e movimentu diak agora atu lori ami ba merkadu Manleuana nee hanesan ami nia sasan ne’e folin ka lae tanba asan sira agora dadaun ami fa’an hanesan kafe, fa’an etu, iha neeba mos ema fa’an hotu entaun ami triste,” Dehan negosiante Aurelia da Costa.
Nia esplika liu tan katak tanba sasan hirak ne’ebe nia fa’an foti osan husi kaebauk nian mak hodi halao negosius iha Largo Lecidere no kada loron hetan dolares ida ka rua hodi nune’e bele selu oan sira nia eskola maibé agora muda ba merkadu Manleu mak karik fa’an sasan mak la folin nia sei kontinua esforsu – an hodi fa’an atu nune’e bele hetan netik osan hodi sustenta ba moris lor-loron nian.
“Tanba ami foti osan kaebauk nian hodi sosa sasan sira nee maibé folin ka lae, tanba ida nee mak ami sustenta ba ami nia uma laran, bele selu ema nia osan fulan -fulan, tanba nee ami laran triste tanba fa’an iha Largo lor-loron ami hetan $ 1.00 no $ 2.00 maibé foti ona ami ba Manleuana nee ami dook tebes husi ami nia hela fatin, maibé, karik ami fa’an la folin entaun la iha buat ida ami mai fa’an kontinua nafatin fa’an ami nia sasan ne’e karik la folin ami buka maneira oinsa fa’an para iha ne’ebe mak folin,tanba iha oan nee, selu oan sira nia eskola, ba nesesidade lor-loron tanba iha sidade ida Dili nee buat hotu-hotu sosa hanesan bee mos sosa no ai sunu mos sosa entaun sei ita la buka se mak buka fo ba Ita,” esplika negosiante Aurelia da Costa.
Iha fatin hanesan Inan Arminda Soares ho idade 56 ,husi munisipiu Dili hela fatin Santa Cruz ne’ebe mak fa’an mos sasan iha largo Lecidere hahu husi tinan 2014 too ohin loron mos salienta katak, maske sentimentu oinsa mos estadu dehan sai tenki sai maibé sente laran susar oituan tanba durante loron rua estadun hapara sira nia aktividade nudar negosiante ne’ebe fa’an iha largo tanba atu muda ba iha merkadu Manleuna tanba ne’e sente triste no oinsa atu estor fali osan ba kaebauk nian ne’ebe mak sira foti hodi halo negosiu.
“Sentimentu dehan hanusa mos estadu dehan katak sai tenki sai ona, maibé, ami so laran susar nee mak tanba ami setor osan kada semana -semana iha fulan ida ami setor iha fatin rua ne’ebe ida nee maka loron rua horseik no ohin ami para ona ami nia aktividade nudar negosiante nee dala ruma ami Kuarta agora estor nee diak ka la diak ami hanoin deit mak ida nee,” hateten inan Arminda Soares.
Nune’e mos nia hatutan, relasiona ho fatin ne’ebe atu muda, sira la dun prekupa maibé sente triste tanba osan neebe uza hodi halo negesiu nee husi kaebauk tanba ne’e sente triste bainhira muda ba iha merkadu Manleu mak fa’an sasan la folin bele prejudika ba sira hodi setor osan iha kada semana, tanba ne’e bainhira fa’an la dun folin mak sira sei muda fali mai fa’an iha largo Lecidere.
“Ba fatin nee ami la prekupa ida, muda ami ba ida ne’ebe nee ami hakarak hotu maibé ba iha ne’eba ami fa’an sasan folin ka lae ida nee mak ami presija husu tanba saida sasan ida ne’ebe la dun diak ba merkadu ninian hanesan ami fa’an kafe deit, supermi ho pop mie sira nee ami tenke ba iha neeba nee estadu sira nee la hanoin ami nia moris ida hanesan nee, tanba ida nee mak ami nia laran susar ba ida ne’e deit, kona ba ami estor osan ne’e iha fatin rua nee kuarta agora ami estor depois ba fali iha loron 22 setor fali kaibauk ninian ne’ebe estor saida nee mak ami hanoin barak, se karik ami ba iha ne’eba mak fatin la dun diak la dun seguru ba ami mak ami sei fila fali mai iha ami nia fatin depois maka boot sira atu tebes rahun tiha ami nia sasan mos, ami fila fali mai tanba ami nia moris mak hanesan nee ona,” hakotu inan Arminda Soares.
Jornalista : Tonia Neto
Editor : Luhamutu
