Díli, 21 Agustus 2024 (RCC) – Ministériu agrikultura pekuária peskas no florestas hala’o servisu irigasaun ba parte balun iha munisípiu baukau no lospalos hodi atinje ona 60%.
Iha entrevista ho ministru, Ministériu Agrikultura Pekuária no Peskas Florestas Marcos “MAMETA” da Cruz haktuir ba jornalista sira iha fatin palásiu governu katak, agora dau-daun irigasaun la’o hela iha munisípiu baukau no lospalos hodi oferese be’e natar besik hektares atus 800, (21/08/2024).
“Ita mós sei prosesa hela ba irigasaun bo’ot tolu, maibé ita espera katak, sira ne’e sei bele ajuda ita atu aumenta produsaun, tanba ne’e agora ita nia irigasaun ida naran Galata la’o hela iha postu Venilale no Ossu hodi fornese be’e bai ha area besik hektares atus walu (800) no iha ne’ebá bele kobre ba postu Kelikai, Venilale no Baukau, irigasaun ida seluk iha Laibai parte Lospalos nian h onia progresu ne’ebé atinje on aba 60%, tanba ne’e ita espera katak, tinan ida ne’e ita bele konklui ona, karik iha tinan oin, ita bele utiliza hodin halo natar,” dehan ministru, Ministériu Agrikultur Pekuária no Peskas Florestas Marcos “MAMETA” da Cruz.
Aleinde ne’e, ministru, Ministériu Agrikultura Pekuária no Peskas Florests Marcos “MAMETA” da Cruz informa tan katak, irigasaun tolu maka sei prosesa hela hanesan iha parte Maliana 2, Baukau iha parte Wailili no mós iha Irabere.
“irigasaun tolu maka sei prosesa hela hanesan, ida iha parte Maliana 2, iha area ne’ebé abandonadu tunu bibi nian, ida fali iha Baukau parte Wailili Gariau, ne’e ita sei fornese mós be’e ba natar nian ne’ebé besik tasi hanesan, seisal, olutseisal no kasameta, irigasaun ida fali tan iha parte Irabere ne’e bele fornese be’e ba iha area Watu-Karbau ho postu Ilomar nian,” nia informa.
Enkuantu, Ministériu Agrikultura Pekuária Peskas no Florestas sei tau prioridade liu ba setor agrikultura hodi hadia di’ak liu tan iha irigasaun infraestrutra bázika.
“Ministériu Agrikultura Pekuária Peskas no Florestas sei tau prioridade nafatin ba setor agrikultura bai ha tinan oin hodi hadia ita nia irigasaun sira hanesan infraestrutura bázika no mós sei sosa tan Tractor, Fini, Aimoruk hodi utilza ba setor Agrikultór, hafoin bai ha pekuária, peskas no mós Florestas,” hakotu nia.
Jornalista : Adelina Fátima
Editor : Luhamutu
