Dili, 21 Agustus 2024 (RCC) – Relasiona ho Selebrasaun Loron 30 Fulan Agustus Ne’e, Membru Governu Sei Destakadu ba Iha Postu Ida-Idak Hodi Akompana Entidade Sira Hotu.
Iha entrevista ho Vise Ministru Asuntu Parlamentar, Aderito Hugo da Costa hafoin remata reuniaun konsellu ministru hodi haktuir ba Jornalista sira iha fatin Palasiu Governu katak, IX governu kontinua halo avaliasaun ba preparativu loron 30 fulan Agustus nian.
“ohin kontinua halo avaliasaun ba preparativu sira ne’e no mós prezensa membru governu sira ne’ebé ita halo, tanba ne’e membru governu sira sei destakadu hotu iha postu administrativu, hodi akompana alta-entide sira hotu no hela de’it sira né’ebé iha ne’e,” Dehan Adérito Hugo.
Ho nune’e Vise-ministru asuntu parlamentar, Adérito Hugo relata katak, semana kotuk Parlamentu Nasional halo aprovasaun ona ba kalendáriu solene iha sesaun Plenária 30 Agustus nian.
“Parlamentu Nasional semana kotuk aprova ona kalendáriu solene iha sesaun plenária ba loron 30 fulan Agostu ninian ne’ebé sekretáriu Jeral sei halo intervensaun no sua exelénsia prezidente Napolião mós sei fó nia Mensajen ba povu no mós intervensaun husi Parlamentu Nasional no liu husi Bankada nain lima hodi priense pakote selebrasaun iha loron 30 Agostu ninian no mós sei kontinua selebrasaun en-jeral iha stadium munisipiu Díli,” nia relata.
Aleinde ne’e, Adérito Hugo informa, komisaun organizadora sei nafatin halo konfirmasaun ba alta-entidade sira né’ebé maka atu Marka prezensa iha Auto-selebrasaun ida ne’e.
“Alta-entidade lubuk ida maka ita konvida atu marka prezensa, tanba ne’e sekretáriu Jeral konfirmadu sua exelénsia Yang Marthin no mós sira seluk tan, ho nune’e parte komisaun organizadora sei nafatin halo konfirmasaun ba entidade sira,” hakotu nia.
Jornalista : Adelina Fátima
Editor : Luhamutu
