Dili, 21 Agustus 2025 (RCC) – Relasiona Ho Membru Governu Balun Ne’ebe La Lembra Ezekusaun Orsamental Ne’ebe Aprezenta Ona ba Iha Komite Revizaun Orsamental 2025 Nian Tanba Okupadu Liu.
Iha entrevista ho vise-ministru asuntu Parlamentar, Adérito Hugo da Costa haktuir ba Jornalista sira iha fatin Palasiu Governu katak, Ministeriu hotu-hotu tenke hatene sira nia ezekusaun orsamentu hodi aprezenta no justifika tuir razoens sira, (21/08/2024).
“Ministeriu hotu-hotu tenke hatene sira nia ezekusaun orsamentu hodi aprezenta no defende atu justifika razoens sira ho kada kategória no mós iha adisional, hodi hatene katak, adisional hira maka atu propoin hodi fó ba Komite Revizaun Orsamental (KRO) atu nune’e bele halo analiza hodi autoriza ka la autoriza, tanba ministeriu hotu halo aprezentasaun to’o ohin loron husi prezidente Autoridade Munisipiu 12 inklui Raeoa,” dehan vise-ministru asuntu Parlamentar, Aderito Hugo.
Aleinde ne’e vise-ministru asuntu Parlamentar, Adérito Hugo informa tan katak, Munisipiu hotu-hotu tenke iha tendénsia iha akordu adisional ho envelope fiskal ne’ebe dezena no orienta husi Ministeriu Finansas.
“Munisipiu 12 inklui Raeoa tenke iha tendensia hotu-hotu iha akordu adisional ho envelope fiskal ne’ebe ministeriu finansas dezena no orienta ona ba linas ministeriais sira atu prepara, iha situasaun ida ne’e tanba ho montante ne’ebe bo’ot entaun sua exelensia bele haluha atu fiksa numeru ekzata,” informa Adérito ugo.
Enkuantu, hatan ba kestaun ne’ebe membru Governu balun la lembra ezekusaun orsamental ne’e, Vise-Ministru asuntu Parlamentar Adérito hugo da Costa salienta katak, sira lakohi aprezenta numeru ezata tanba numeru ezata seidauk iha, no mos ho preokupasaun ba servisu hotu entaun kolega sira la lembra ida ne’e,” Hakotu Adérito Hugo.
Jornalista :Adelina Fátima
Editor : Luhamutu
