Dili, 21 Agustus 2024 (RCC) – Virus Monkey Pocks Agora Mosu Iha Portugal, Indonesia No Australia, Tanba Ne’e Primeriu Ministru, Kay Rala Xanana Gusmão, Orienta Membru Governu Halo Imigrasaun Iha Fronteira Hodi Prevene Virus Refere.
Iha entrevista ho Vise Ministru asuntu Parlamentar, Adérito Hugo da Costa hateten ba jornalista sira iha fatin Palasiu Governu katak, Ministra Finansas aprezenta virus refere iha nia diversus ho nune’e Primeiru Ministru fo ona orientasaun ba mjnisteriu saude atu aprezenta senariu prevensaun.
“Virus ida naran monkey pocks ne’ebe komesa alarga no mos kazu balu komesa mosu iha Portugal, Indonesia no Australia, tanba ne’e ohin Ministra Finansas aprezenta iha nia diversus ho nune’e Primeiru Ministru Kay Rala Xanana Gusmão fo ona orientasaun ba ministeriu saude aprezenta hela medidas prevensaun ninian ne’ebe ohin halo ona apresiasaun, tanba ne’e Primeiru Ministru fo mos orienta atu envolve iha atividade relevante sira hanesan imigrasaun iha fronteiras atu nune’e bele prevene rekezitus, liu-liu liga ho ita nia eventu sira iha ne’e, tanba ita nia ema barak mak sei mai, entaun medidas prevensaun sei halo iha fronteira hodi haree ba entradas movimentasaun ema nian no mos movimentus ba transportasaun sasan sira ne’ebe tama mak Timor,” dehan Adérito Hugo.
Aleinde ne’e, Vise Ministru asuntu Parlamentar, Adérito Hugo akresenta tan katak, karik iha posibilidade hodi akompana tendensia ba kazu alargamentu ne’e.
“Karik iha posibilidade ita akompana tendensia ba kazu ne’ebe alargamentu ona iha ita nia pais vizinu sira, tanba ne’e ita tenke reforsa ita nia servisu imigrasaun no saude, nune’e ita bele prevene virus ne’e atu labele to’o mai ita,” hakotu nia.
Jornalista : Adelina Fatima
Editor : Luhamutu
