Díli, 22 Agustus 2024 (RCC) – Embaixada Estadus Unidos Amérika iha Timor-Leste Parseria ho Junior Chamber Internasional (JCI-TL) Hodi Organiza Programa Academy for Women Entrepreneurs.
Iha entrevista ho Prezidente Nasional Junior Chamber Internasional Timor-Leste (JCI-TL),Maria Teresinha de Jesus hateten ba jornalista sira iha fatin salaun CNE katak, atividade ida ohin halo kompetisaun ba Academy for Women Entrepreneurs sira ne’ebé tuir formasaun durante semana rua nian, (22/08/2024).
“Atividade ida ohin ninian ita tama ba iha kompetisaun ne’ebé maka partisipante akademy for entrepreneur sira tuir formasaun durante semana rua hafoin sira tama ba iha kompetisaun, tanba ne’e loron ohin ami tama ba iha Seremónia gradusaun, akademy for Women enterpreneurs nian,” Dehan prezidente nasional JCI-TL, Maria Teresinha.
Aleinde ne’e nia relata tan katak, Objetivu ba iha akademy for entrepreneurs ne’e atu empodera feto no Komunidade sira né’ebé ho idade 18 to’o 25 hodi aumenta tan sira nia konesementu liu-liu iha area negósiu.
“Objetivu ba iha akademy for entrepreneurs ne’e atu empodera feto no Komunidade sira né’ebé ho idade 18 to’o 25 hodi estabelese ona sira nia negosiu durante tinan rua atu nune’e sira bele empodera sira hodi aumenta tan sira nia konesementu liu-liu iha area negósiu nian atu bele garante sira nia sustentabilidade Negósiu,” nia relata.
Iha fatin hanesan reprezentante embaixadora US ba TL, espesialista estratéjiku komunikasaun, Isidoro Correia haktuir katak, liu husi programa maka halo selebrasaun ba graduadu sira ne’ebe hetan susesu ona.
“Programa ida ohin ne’e kona-ba, ita selebra ita nia susesu ba graduadu sira né’ebé maka durante ne’e hala’o sira nia promosaun no abilidade ho sira nia negósiu rasik ne’ebe durante ne’e sira hala’o, Iha programa ne’e foka liu ba feto sira katak, sosiedade ida iha Barreira barak hanesan, ekonómia no barreira ba sosiál,” haktuir Isidoro Correia.
Ho nune’e nia informa tan katak, programa ne’ebe AWE hala’o la’os iha Timor de’it maibé hala’o mós iha fatin barak hanesan iha korreia no seluk tan.
“Iha programa ida ne’e la’os hala’o iha Timor-Leste de’it, maibé iha fatin barak hanesan iha Korreia no fatin seluk, tanba ne’e liu husi maneira ida husi Estadus Unidus Amérika hodi apoiu governu Timor-Leste liu-liu ba joventude feto sira, ho nune’e, Embaixadora sente kontente teb-tebes tanba hola parte ba iha selebrasaun Business Women ida ne’e” hakotu Isodoro Correia.
Jornalista : Adelina Fátima
Editor : Luhamutu
