Dili, 27 Agustus 2024 (RCC)- Prezidente Repúblika José Ramos Horta hakarak fo indultu ba Prezoneiru sira iha loron 30 fulan Agustus tinqn ne’e maibé sei hein konkordansia husi governu.
Iha entrvista ho Prezidente Repúblika José Ramos Horta hafoin remata enkotru ho atleta sira ne’ebé partisipa iha torneiu KUPANG ( Indonézia), iha Kantina Matak ba jornalista sira katak hakarak atu fo indultu ba Prezoneiru sira maibé sei hein konkordansia husi governu balun, (27/08/2024).
“Ha’u hakarak fo maibé sedauk, sei hein konkordansia husi governu tenki liu husi Ministru justisa fulan hirak nia laran tau matan tiha ona ba ida ne’e sei la fo indultu kompletu pelumenus hatun iha uma maibé ha’u hein de’it governu fo resposta semana ida ne’e halo indultu,” hateten Prezidente Repúblika.
Nia hatutan, maibé kona ba fo indultu ne’e ekipa legal sira maka sei halo inisiativa karik governu konkorda maka sei haree no tetu hahalok Prezoneiru sira liuliu komportamentu Prezoneiru nian hafoin fo indultu.
“Maibé ekipa legal sira mak halo inissiativa karik governu konkorda, Ministru justisa konkorda ema barak halo pedidu oin-oin tetu buat hotu-hotu importante liu komportamentu prezoner no segundu tau matan ba família no familia rasik mak husu no kazu barak liu maka violensia domentika, violensia seksual ne’e maka difisil liu ida ne’e mak halo desizaun,” hakotu Prezidente Repúblika.
Jornalista : Tonia Neto
Editor : Luhamutu
