Dili, 27 Agustus 2024 (RCC)- prezidente Repúblika José Ramos Horta husu ba Timor hotu halo orasaun hodi hein Ami Papa nia vizita mai iha Timor leste.
Iha entrvista ho Prezidente Repúblika José Ramos Horta iha Kantiña Matak haktuir ba jornalista sira katak viazen ne’e todan tanba ne’e primeiru hakarak husu ba Timor oan hotu-hotu halo orasaun atu nune’e amu Papa nia saúde di’ak nafatin hodi bele mai vizita Timor leste, (27/08/2024).
“Primeiru hakarak husu halo orasaun, ita hotu-hotu halo orasaun atu nune’e Amu Papa nia saúde di’ak nafatin tanba viazen ne’e todan teb-tebes mai Jakarta, programa Jakarta nian difisil teb-tebes tanba ne’e mak ba Papua no mai iha Timor leste, maibé ha’u espera amu Papa nia saúde di’ak bele too mai iha Timor leste,” dehan Prezidente Repúblika.
Horta hateten, prezensa amu Papa nian hanesan vida nasionalismu tanba vizita nasaun oin-oin inklui mós Timor-Leste tanba ne’e Timor leste nia naran sai bo’ot iha mundu.
“No ho amo papa nia prezensa nasionalismu nia vida para amo Papa mai vizita nasaun oin-oin nune’e mós mai Timor nia naran sai boot iha mundu tomak ne’e publisidade marketing di’ak los ba iha nasaun no ajuda promove turista iha Timor,” katak Prezidente Repúblika.
Horta hatutan tan katak, vizitasaun amo Papa nian ne’e hau iha prekupasaun boot ba populasaun tanba populasaun barak mak sei partisipa ho nune’e tenke iha lojistika infra-estrutura no lojistika saúde atu nune’e karik ema balun monu no dehiratasaun entaun bele halo prevensaun kona ba ida ne’e.
“Prekupasaun boot liu ba ha’u mak ne’e populasaun hira maka atu partisipa no lojistika ba infra-estrutura, lojistiku ba saúde, ne’e ekipa médiku atu nune’e bele alerta ba ema ruma strouk katuas ka ferik ruma strouk no dishidratasaun la hemu bee sufisiente ne’e perigozu tanba ne’e tenki prevensaun ba ida ne’e,” tenik Prezidente Repúblika.
Ho nune’e Horta esplika liu tan katak tanba dala ruma ema hotu dudu malu no hakarak ba oin ida ne’e mós perigozu maibe fiar katak polísia no F-FDTL sei kontrola tanba ne’e husu mós ba xefe suku no xefe aldeia sira nune’e mós grupu joven sira tenke kolabora atu nune’e iha organizasaun disiplina.
“Depois dala ruma hotu-hotu dudu malu hakarak ba oin ne’e ha’u haree hanesan perigu boot. maibé, ha’u kompriende ba ita nia polísia inposivel atu kontrola balun, no ita nia formas armada mós sei kontrola.Nee duni hakarak mós husu ba xefe suku sira, xefe aldeia sira no grupu joven sira nian ne’e mós tenke kolabora atu nune’e iha organizasaun disiplina ,” hakotu Prezidente Repúblika.
Jornalista : Tonia Neto
Editor : Luhamutu
