Dili, 27 Agustus 2O24 (RCC)- Prezidente Repúblika José Ramos Horta sei vizita Populasaun sira iha Munisípiu iha fulan Outubro tinan ne’e.
Iha entrevista ho Prezidente Repúblika José Ramos Horta iha Kantiña Matak ba jornalista sira, vizitasaun ida ne’e xefe estadu sei ba ho ekipa no xefe kaza sivil, maibé sei kombina iha fulan Outubru,(27/08/2024).
“Ha’u atu ba duni maibé la bá tanba ha’u hakarak ba karik hau hakarak hatete hela pelumenus hela kalan ida loron rua ha’u ho ha’u nia ekipa ba duni ba ho xefe casa sivil no lori sasán pois kombina fulan Outubru.Maibé, fulan Outubru kuandu nia tempu liu ha’u bele ba pelumenus minimu loron lima iha viqueque, Watulari no Watucarabau no la’ós ba de’it vila maibé tenki ba too iha aldeia no suku balun,” haktuir Prezidente Repúblika.
Liu-husi objetivu husi vizitasaun ne’e sei hala’o iha fulan Outubru, tanba ne’e hakarak atu hare’e familia balun no sei halo uma ba sira nune’e mós sei lori ajuda hanesan humanitária no mós hakarak hare’e ba iha setor agrikula liu-liu, atu hatene governu halo ona saida iha setor agrikultura no saida mak governu fo ona.
“Primeiru hakarak haree familia balun ne’ebé iha ne’ebá no halo uma ba sira lori ajuda hanesan ajuda humanitaria, maibé, ha’u sei haree goverru luliu Ministru agrikultura Ministru solidaridade sosiál ba iha viqueque ne’e importante teb-tebes iha setor agrikula ha’u hakarak hatene governu halo saida iha setor agrikultura depois saida maka governu fo ona,” dehan Prezidente Repúblika.
Tanba ne’e Horta hateten tenke ba ho membru Governu ruma atu nune’e populasaun sira halo pedidu ruma karik liuliu kona ba estrada entaun governu bele fo apoiu maibé nudar xegmfe estadu ba vizita mak sei lori de’it ai han no material eskolar nune’e mós lori ho doutor atu nune’e bele halo tratamentus ba pasiente sira iha Munisípiu viqueque.
“Maibé di’ak liu ba ho membru Governu ruma tanba kuandu populasaun halo pedidu ruma boot estrada ba Aldeia ka suku apoiu trator sira iha sira iha razaun governu maka bele fo apoiu no halo kolaborasain di’ak ho governu maibé husi Prezidente lori material sira hanesan hahán roupa material eskolar, nune’e mós lori ho doutor tanba iha fatin balun sira nunka haree doutor ida tanba ne’e lori ho ai moruk kompletu kedas no halo tratamentus ba pasiente sira iha viqueque,” hakotu Prezidente Repúblika.
Jornalista : Tonia Neto
Editor : Luhamutu
