Dili, 05 Setembru 2024 (RCC)_ Primeuru Ministru Kay Rala Xanana Gusmão ho Prezidente Repúblika José Ramos Horta apresia tebes ba povu Timor ‘este liuliu ba joven sira tanba iha festividade loron 30 fulan Agustus liu ba la akontese buat ida
Iha entrevista ho primeiru Ministru Kay Rala Xanana Gusmão hafoin hala’o enkotru semanal ho prezidente Repúblika iha Palacio Preziensial Aitarak laran Dili, haktuir ba jornalista sira katak, Prezidente Repúblika ho primeiru Ministru apresia tebes ba povu tomak, komunidade sira liuliu ba joven sira tanba iha festividade 30 de Agostus la akontese buat ida tanba hatudu katak ita hotu nia kompt’rimisiu ba paz no lae ba violensia tanba ne’e xefe estadu ho xefe governu hato’o parabens ba povu tomak iha Timor leste.
“Prezidente apresia teb-tebes ami nain rua tau hotu hamutuk agradese teb-tebes ba povu tomak komunidade sira liuliu ba joven sira tanba iha festividade 30 de Augustu la akontese buat ida no Ida ne’e mak hatudu lolos tanba Ian Martin mai, UNAMET mai sekretáriu jerál mai ita temi.katak Timor ne’e sai hanesan ezemplu ba paz demokrasia ne’ebé ha’u mós too iha loron 31 rona buat ida la akontese tanba ne’e kontente teb-tebes no ita hotu hatudu ita nian kompt’rimisiu ba paz no lae ba violensia ida ne’e maka Prezidente fo parabens ba povu tomak liuliu ba komunidade sira iha distritu ida-idak ne’ebé partisipa ho laran tomak iha festividades ne’ebé ita bele temi dehan festividades povu nia Ida ne’e maka ami ko’alia,” dehan Primeiru Ministru Kay Rala Xanana Gusmão.
Aliende ne’e mós PR husu ba PM hodi transmite ba povu tomak liuliu ba joven sira atu halo apelu ida hodi kontinua hatudu nafatin ba mundu katak TL rai ida ne’ebé sedauk dezenvolvidu hanesan rai seluk maibé hatudu nafatin dezenvolvimentu hodi povu tomak senti katak ukun an ne’e ba sira hotu no mós ba ita hotu.
“Nia mós husu ba ha’u atu dehan ba imi hodi transmite ba povu tomak liuliu ba joven sira. No prezidente mós husu ba ha’u atu halo apelu ida sei ita loron tolu nia laran ita konsege selebra ita nia festividade iha Timor tomak laiha buat ida akontese Papa mai nia husu nia fo apelu ida ba joven sira hatudu nafatin ba mundu katak ita rai ida ne’ebé seidauk dezenvolvidu los, rai barak ne’ebé ukun an iha tinan 60 no 70 ne’ebá aat liu fali maibé ne’e la’ós ita gava an maibé ita dehan katak ita la’o hatudu nafatin dezenvolvimentu hodi povu tomak senti katak ukun an ne’e ba sira hotu ba ita hotu,” katak Primeiru Ministru Kay Rala Xanana Gusmão.
Tanba ne’e nia nafatin hodi kontinua husu ba joven sira katak vizita Papa mai TL hatudu nafatin ba mundu katak rai ida ne’e hakarak paz no dezenvolvimentu.
“Ne’e duni apelu boot teb-tebes ba joven sira Papa mai ne’e ita hotu hatudu ba mundu dala ida tan katak rai ida ne’e hakarak paz no hakarak dezenvolvimentu tanba ne’e apelu dala ida tan ba joven sira katak ita hatudu tiha ona ba mundu tomak konhese ona ita nudar rai ida ne’ebé violensia laiha rai ida ne’ebé buka esforsu an atu dezenvolve povu nia moris nee duni Papa mai ne’e ita hotu hotu kontribui ba paz no estabilidade,” hakotu primeiru Ministru Kay Rala Xanana Gusmão.
Jornalista : Tonia Neto
Editor : Luhamutu
