Díli 27 Setembru 2024 (RCC)-Aliansa Nasional Kontra Krime Infantesidu Hato’o Liahirak Ne’e Iha Konferensia Iha Salaun FONGTIL Kakoli Hudi Atualiza Informasaun Kazu So’e Bebe Hahu Husi Janeiru To’o Mai Setembru 2024, Kazu So’e Bebe Mak Iha Numeru Bo’ot Liu Iha Territoriu Laran Tomak Munisípiu Díli, Manufahi, Bobonaru.
Portavoz Aliansa Nasional Kontra Krime Infantesidu Jose Turky hateten Aliansa nasional hanesan organizasaun nia papél foku liu ba assuntu infantesidu no atualiza dadus trimestral hahu husi janeiru to’o outubru 2024, no Aliansa nasional nia misaun mak atu halo advogasia ba assuntu infantesidu, levantamentu dadus, no halo monitorizasaun ba prosesu kazu hirak mak akontese.
“Aliansa hanesan organizasasun ida ne’ebé mak durantre nia papél foku liu ba iha assuntu infantesidu iha lian tetun kazu so’e bebe atu atualiza dadus trimestral hahu husi janeiru to’o outubru 2024 liliu assuntu infantesidu ne’ebé ita rejistu, hanesan ita hotu hatene dalabarak akontese iha timor-leste kazu so’e bebe la’os bu’at maibé hanesan fenomena públiku ne’e mak ita hotu akompaña aliansa nasional luta kontra krime infantesidu estabelese iha tinan 2014 ninia misaun bo’ot rua, primeiru mak halo advogasia ba assuntu infantesidu segundu halo levantamentu ba dadus ida seluk halo monitorizasaun ba prosesu kazu hirak ne’ebé mak akontese to’o iha ne’ebé ha’u haoin idsa ne’e mak papél bo’ot aliansa nasional kontra krime infantesidu nian. Liga ba dadus trimestral ne’ebé mak aliansa rejista hahu janeiru mai setembru ita rejista kazu tolu, ne’e mak Munisíspiu ne’ebé mak sai autór ka kontribui makas ba kazu so’e bebe primeiru Díli tuir Manufahi, no Munisípiu Bobonaru, ninia prosesu ba ita nia bebe sira ne’ebé make ma deskonesida so’e iha Same Manufahi iha Suku Holarua ita la konsege salva vida bebe nia sorin karuk asu han tiha, Iha Maliana mós ita hotu akompaña bebe depois partus inan buti mate lori ba so’e iha mota ita hetan submete ba iha prosesu investigasaun munisípiu Díli iha suku Komoro bebe ema deskonesida iha lixu fatin no bebe nia kondisaun no ita salva nia prosesu investiga la’o hela entaun hahu prosesu tolu ne’ebé mak ita rejistu iha Munisípiu ita servisu hamutuk ho polisia PNTL no Autoriedade local entaun ita hetan ona bebe nia inan agora iha prosesu no submete ba prosesu justisa nian, Aliansa nasional foku liliu ba defesa kazu so’e bebe ne’ebé mak iha” Dehan Portavoz Jose Iha Salaun FONGTIL Kaikoli Díli
Portavoz ne’e husu ba iha parlamentu nasional atu atu halo amandamentu ba kódigu penal iha artigu 142, tanba kazu so’e bebe ne’e kada tinan ho trimestral sa’e nafatin, aliansa nasional ne’e mós husu ba parte igreja liliu baa mu sira karik iha selebrasaun missa iha Homilia tenki halo reflete ba sarania sira nia fi’ar tanba sira halai ses husi sira nia fi’ar tanba kazu so’e bebe la’os obra maromak nian,
“Rekomendasaun lubuk ida durante ne’e ita servisu makas liu ba iha assuntus ifantesidu maibé ita haree katak estatístika kada tinan kada trimestral kazu so’e bebe nia persentajen sa’e nafatin tanba ne’e mak aliansa hanesan orgaun sosiedade sivil ida permite ami atu rekomenda ba Parlamentu Nasional hanesan orgaun legislativa atu bele halo amandamentu ba kódigu penal iha artigu 142 ne’ebé mak fó espasu ida ne’ebé mak la kesi nia aman maibé ko’alia liu ba inan feton iha artigu 142 mós hateten katak bainhira inan me’ebé mak oho bebe hafoin partus ka tinan ida bele hetan pena tinan tolu ka bele promove ba tinan sanulu haree ba nia natureza krime, iha mós ita nia konstituisaun RDTL artigu 29 ho 18 husu papél inan aman nian atu respomsabilidade no bele kuidadu bebe ida moris iha família tantu kasamentu ka la kasamentu, husu mós ba ministeriu edukasaun ita haree katak durante ne’e aliansa nasional halo parseiru ho edukasaun oinsa atu integra kurikulum ida ne’ebé mak ita ko’alia kona-ba edukasaun sexual ho edukasaun reprodutivu, maibé oras ne’e seidauk rezultadu pozitivu husi ministeriu edukasaun, Rekomenda mós ba parte igreja nian hanesan ita timor-leste 95% ema katolik husu liliu ba leigu sira ba Amu sira bainhira iha selebrasaun missa halo Homilia reflete liu ba sarani sira ne’ebé mak dalaruma halai ses husi sira nia fi’ar, ita haree kazu ida so’e bebe ne’e la’os obra husi maromak nian tanba ne’e mak nafatin rekomenda ba parte igreja amu sira iha selebrasaun missa halo Homilia bele formaliza mensajen ne’ebé mak di’ak ba sarani sira, oinsa hasa’e konjenzaliza bele proteje ita ninia bebe tuir ita nia kuadru legal sira”. Nia Konklui
Jornalista : Leo Alves
Editor : Luhamutu
