PERFIL
RADIO COMUNIDADE COMORO
- Introdusaun
Radio Comunidade Comoro (RCC) nudar organizasaun media ne’ebé independente no non-lukru. RCC hetan inisiativa maka’as husi joventude sira nu’udar reprezentante komunidade hodi estabelese Radio Comunidade ida iha Suco Comoro, nune’e RCC hari’i hodi servi ba nesesidade komunidade Comoro.
Iha 2010 Diresaun Nasional Prevensaun Konflitu Komunitaria (DNPKK) -SES (atual Ministeriu Interior) kopera ho Okinawa Peace Assistance Center (OPAC) nu’udar ONG internasional nebe servisu ba paz liu husi apoiu husi Japan International Coorperation Agency (JICA) hahu projetu fo naran “Dezenvolvimentu Komunidade ba Paz” nudar projetu faze primeiru no “Hakbi’it Komunidade ba Paz” nudar projetu faze segundu atu halo dezenvolvimentu ba suco Comoro iha area seguransa.
DNPKK identifika katak konflitu mosu iha suco Comoro tamba ladun iha aktividades nebe bele halibur joven sira. Nune’e DNPKK no OPAC hahu servisu hamutuk ho Konseilu Suku Comoro hodi estabelese Radio komunitariu ida ho objetivu atu halibur joven sira hodi espresa sira nia talentu hodi nune’e bele hadook aan husi involvimentu iha konflitu.
Liu husi Konseilu Suco Comoro hahu prosesu ida ne’e hodi halibur reprezentante juventude nain rua (2) kada aldeia 31 iha Suco Comoro. Joventude sira ne’e hahu hetan formasaun husi Radio Rakambia no Timor-Leste Media Development Center (TLMDC) ba preparasaun rekursu umanu iha area jornalismu Radio, nune’e bele responde ba operasaun radio nian iha Futuru.
- Biográfia RCC Fm 94.1 Mhz
| Naran | Radio Comunidade Comoro (RCC) |
| Tipu ONG & Karakter Radio | Organizasaun Non-Lukru ho Karakter Radio Komunidade |
| Data Estabelesementu | Dia 1 de Julho 2015 |
| Diresaun | Aldeia 30 de Agustu & Suku Comoro – Kampung Baru |
| Frekuensia | 94.1 Mhz |
| Nú. Rejistu Legál | Ministeriu Justisa :No 518/DNRN-MJ/IV/2016- Dili, 06 Juñu 2016 Minesteriu Finansas: Nú. T.I.N 4993790 – Dili, 13 Juñu 2016 |
| Nú. Konta Bankaria | Banku Mandiri Timor Leste : 6010000773815 |
| Power Transmiter | 200 watt |
| Area Kobertura | Dili (Hotu) & Aileu , Ermera no Liquica (Sorin) |
| Rona nain | Sensus Populasaun 2015: 277,279 (Dili) & 76.681 (Comoro) |
| Vizaun | Garantia no asegura direitu, dignidade, paz no dezenvolvimentu ba komunidade Comoro ne’ebe sai badinas, saudavel, matenek, kreativu, kritiku no inovativu ba povu no nasaun Timor – Leste iha futuru. |
| Misaun | Habelar informasaun ba komunidade Comoro iha area ekonómia, sosial, polítika, kultura, direitus umanus, edukasaun no saude.Enkoraja komunidade Comoro atu partisipa liu husi programa divertivu, edukativu no kreativu.Kria koperasaun ho parseiru dezenvolvimentu RCC nian hodi suporta programa radio nian. Fo formasaun ba komunidade sira iha area jornalista radio. |
| Moto | Comoro Ita Nian, Hametin Kultura no Hari’i Paz |
| Programa no Oras Transmisaun Oras : (06:00 – 23:00) | 06:00 – 06:30 : Muzika, Iklan & Avizu (MIA) 06:30 – 07:00 : Bom Dia Comoro (Dedikatoriu) 07:05 – 07:25 : Notisia Repete 07:30 – 07: 50 : Tips 09:00 – 10:00 : Hau Nia Fitun 12:00 -13:30 : Haksolok Comoro (Dedikatoriu) 13:35 – 13:45 : Profile organizasaun 15:00 – 16:00 : Diskusaun Radio (RadioTalk) 16:00 – 17:00 : Boa Tarde ki’ik Oan Sira (Botak) 18:00 – 18:20 : Notisia 18:25 – 18:40 : Comoro Ita Nian (Indepth News) 18:45 – 18:55 : Profile Organizasaun (Repete) 19:00 – 20:00 : Lian Komunidade 20:30 – 22:00 : Boa Noite Comoro (Dedikatoriu & Kuis) 22:00 – 22:30 : Muzika, Iklan & Avizu (MIA) |
| Nú. Kontaktu & Email | 78573851 (Director),78573851 (Admin & Finance) & Email : [email protected] |