27.3 C
Dili
Friday, 14 June 2024
spot_img

PR ho Nia Delegasaun  To’o Hikas  Iha TL

Dili, 03 Abril 2024 (RCC)_Prezidente Republika (PR)  Jose Ramos Horta ho Nia delegasaun sira to’o hikas ona iha Timor Leste (TL)  hafoin remata partisipa “Revolusaun dos cravos, Portugal” ne’ebe halao nia aniversariu  tinan 50,  ne’ebe  monu iha loron 25 fulan Abril  tinan 2024.

Iha intervista ho Prezidente Republika Jose Ramos Horta  iha Aeroportu Nicolau Lobato Dili,  iha Salaun VIP ba jornalista sira katak,  durante halao vizita ne’e  dahuluk partisipa  aniversariu tinan 50 “Revolusaun dos cravos” nune’e mos ba partisipa inagurasaun muzeum kona ba karpintaria iha Norte Portugal.

Hau nia vizita ne’e primeiru partisipa iha aniversariu tinan 50 revolusaun fulan Abril hasoru malu ho Prezidrnte  Republika, maibe, hasoru  mos  Primeiru ministru foun iha Portugal e nune’e mos ho Prezidente  Parlamentu foun ho entidades lubuk ida tan. Aliende ne’e mos ba too iha Norte Portugal ne’e hanesan vizita privadu, maibe, la’os ba pasiar nian ba inagura muzeum ida kona ba karpintaria ne’ebe hatudu tinan  atus nia laran evolusaun teknolojia ba karpintaria“haktuir Prezidente Repúblika.

Aliende ne’e mos  Prezidente Republika  ba hasoru malu ho industrial sira iha Norte Portugal ne’ebe uluk apoiu  karpintaria bo’ot   ida iha munisipiu  Baucau ho valor ekipamentos hamutuk dolares milioens tolu, maibé, la kleur  karpintaria ne’e taka tamba ne’e hakarak atu reativa fila fali.

Hau ba iha ne’eba, tamba senhor sira iha ne’eba industrial sira iha Norte Portugal  ne’ebe mak uluk apoia maka’as karpintaria bo’ot ida iha Baucau iha Diosece Baucau valor ekipamentus sira fo ne’e, tres milioens de dolares, maibe, la kleur karpintaria  ne’e monu ou taka tamba jestaun. no agora hau hare to’ok hamutuk ho Amu Bispu foun Baucau bele reativa fali, tamba ne’e hau koalia ho sira para Norte Portugal hare no sira bele ajuda foti fila fali karpintaria nee,” katak Prezidente Repúblika.

Enkuatu ne’e mos Prezidente Republika ba vizita  traballador Timor oan balun iha Norte Portugal  ne’ebe hetan servisu diak no  oferese rasik  husi amigo Prezidrnte Republika.

“Hau nia amigo sira iha Norte Portugal mak buka servisu fo ba traballador balun moris ho kondisaun diak los no mos  hela iha uma diak no servisu ne’eba sira sente  kontente, tamba ne’e mak hau ba iha ne’eba hodi vizita  mos traballador . Hakotu Prezidente Repúblika.

Jornalista : Tonia Neto

Editor : Luhamutu

Related Articles

- Advertisement -spot_img

Latest Articles

ARKIVU.
RCC.