25.7 C
Dili
Thursday, 20 June 2024
spot_img

Kondisaun Difisiénte Fíziku António ho Martinho Lakohi Dependensia  ba Familia  

 Dili, 04 Maio 2024 ( RCC)  _ António  Hornai  Martins ho Martino Freitas  nudar difisiente  fíziku maibe lakohi  dependente ba familia tamba ne’e  nafatin  fa’an  sigaru  iha Timor Plaza nia oin hodi sustenta ba moris lor-loron.

Entrevista ho António Hornai Martins  haktuir   ba jornalista  RCC katak,  maske ho kondisaun dífisiente no mos sedauk iha hanoin atu forma familia tamba ne’e hakarak fa’an sigaru hodi sustenta ba moris lor-loron nian, maibe osan ne’ebe sosa sigaru hodi fa’an ne’e mai husi subsidiu difisiente nian ho nune’e mak sosa sigaru hodi fa’an fali.

“Ha’u maske ema ne’ebé ho kondisaun  difisiénte maibé,  seidauk iha  hanoin atu  forma familia, no ha’u fa’an sigaru atu nune’e bele hetan netik rendimentu oituan  ba ha’u nia moris loro-loron nian, no ha’u hahu fa’an sigaru iha tinan 2023 to’o agora, no osan ne’ebe fa’an ne’e husi difisiensia nian, ho ida  ne’e  mak agora  ha’u hakarak  fa’an  sigaru no osan ne’ebe ha’u hetan kada loron  balun uza fali ba bisnis fali sigaru, no balun  ha’u bele ajuda  familia no  ajuda la barak maibe oituan  de’it ba sira hodi haforsa mos sira, nune’e mos  fa’an sigaru  iha  problema ne’ebe  hau hasoru mak  dalaruma  ema  la  du’un sosa,  maibé , ha’u pasensia nafatin atu nune’e ha’u bele esforsu ba ha’u nia mehi ne’ebe mak  naruk ne’e bele hotu,”dehan António.

Iha sorin seluk Martino Freitas nudar defisiente fíziku ne’ebe mak fa’an mós  pulsa  ho sigaru informa, nia iha  esperensia rasik  hodi hili dalan di’ak mak fa’an sigaru ho pulsa tamba nudar ema moris tenki halo  netik buat ruma tuir kbi’it  ne’ebe  iha.

“Ha’u iha motivasaun rasik no iha esperensia rasik  mak  hili dalan ida ne’e tamba ha’u ema ho dífisiensia maibé, ha’u iha hanoin rasik, tanba ita ema moris  tenki halo  netik buat ida, nune’e mak ha’u hili fa’an pulsa,sigaru,no Sim car sira ne’e ho ha’u nia osan rasik, ne’ebe  ha’u hetan suporta husi ha’u nia mãe depois  ha’u haki’ak  manu  depois  mai  iha tinan 2014 ha’u hetan subsidiu husi social no ha’u rai hamutuk  mak  hodi fa’an sasan sira ne’e, nune’e moós sasan sira ne’e ha’u ba Sosa iha Loja  mak mai fa’an fali iha ne’e ,ha’u fa’an iha Timor plaza komesa husi tinan 2015 to’o agora no negosiu hanesan ami nia negosiu ki’ikoan ne’e. la sura nia rendimentu permanete kada loron,  maibé  hetan oituan  deit no tun liu mak hanesan  $ 6 to’o 8 dolar, no ha’u mos hanesan  xefi ba familia entaun osan ne’ebe  hau hetan  ne’e  maske  oituan  maibé ha’u hakarak  rai ba ha’u nia oan nia futuru, , ha’u nia mensagen ba kolega joven sira oinsa mak ami ho difisiensia bele buka osan  tanba saida   mak ema ne’ebe lao ain iha fisiku  ne’ebe di’ak nusa mak labele buka osan”afirma Martinho 

Jornalista estajiada :  Romana Soares Salsinha

Editor                      : Luhamutu 

Related Articles

- Advertisement -spot_img

Latest Articles

ARKIVU.
RCC.