Dili, 07 Maio 2024 (RCC)_ Katina Matak nudar Fatin esensial ba dapur Prezidente Repúblika nian ne’ebe fornese ai-han ba povu kbiit laek sira nia oan.
Iha entreviata ho Bella Galhos nudar jestor ba dapur Prezidente da Republika iha Kantina Matak informa ba jornalista sira katak, fatin “Kantina Matak” nudar fatin esensial ba dapur Prezidente Repúblika nian tanba liu husi fatin refere bele fornese ai-han ba populasaun sira, liu-liu ba labarik sira no inan isin rua sira ne’ebe mai husi familia kbiit laek.
“Kantina Matak nudar fatin esensial ba dapur Prezidente nian ba povu kbiit laek sira, tanba fatin ida ne’e hanesan fatin ne’ebe mak fornese ai-han ba populasaun sira liu-liu labarik, feto isin rua, feto sira ne’ebe mak kous labarik mai husi familia kiak, ho ida ne’e kestaun ida ne’ebe sai perkupasaun bo’ot husi Prezidente Republika, tanba kestaun mal nutrisaun labarik sira krekas, labarik sira ho familia barak ne’ebe mak la asesu ba hahan saudavel, tan nune’e mak Prezidente Republika fornese ai-han ba sira liu husi Kantina matak ” dehan Bella Galhos.
Nia hatutan maske kantina matak nia ezistensia foin halo ba tinan rua maibé Prezidente foti kedas fatin ne’e sai nudar dapur ba Prezidente Republika nian hodi fornese ai-han ba kbiit laek sira hahu husi Segunda to’o Sexta.
“Fatin ida ne’e loke besik tinan rua ona iha loron 15 fulan Desember 2022 Prezidente foti kedas fatin ne’e nudar dapur Prezidente Republika nian, entaun Kantina Matak Nia servisu mak primeiru fornese hahan ne’ebe mak menu rasik mai husi Prezidente Repúblika , no fornese ai-han hahu husi Segunda to’o Sexta, Labarik sira ne’ebe han iha Kantina Matak hamutuk 400 no dala ruma liu bainhira iha eventu sira ne’ebe mak Prezidente ho ninia bainaka sira mai husi liur ne’e labarik sira aumenta no dala ruma bele to’o 600 no 700 no mos bele liu ida nee” afirma nia.
Tanba ne’e Prezidente nia intensaun ne’ebe mak iha hanesan ba dala uluk, maibé, nia ho Espiritu ida katak programa ida ne’e bele reaplika ho ema seluk atu nune’e bele hetan aspirasaun hodi nune’e bele halo iha fatin seluk atu nune’e ita responde ba situasaun hamlaha no mal nutrisaun iha ita nia rain, hakotu Bella Galhos.
Jornalista : Tonia Neto
Editor : Luhamutu