26.9 C
Dili
Friday, 14 June 2024
spot_img

Manan Ka Lakon  Povu Mak Sei Deside Iha Eleisaun

Dili 19 Abril 2024 (RCC)-Xefe Suku Manleuana Re-Kandidata-An Ba Fali Xefe Suku Hodi Lidera Suku Manleuana Durante Tinan Hitu Nia Laran 2024 To’o 2031, Tanba Iha Programa Balun Ne’ebé Mak Seidauk Realiza Iha Mandatu dahu-Uluk.

Iha Talkshow Xefe Suku Re-kandidata-an ho Moto mak ha’u mai atu sai atan atu servi imi, laos atu sai liurai ba imi, no programa fiziku no non fiziku  sira ne’ebé mak atu halo iha tinan hitu nia laran karik povu fó fiar nafatin atu lidera suku Manleuana, durante nia mandatu.

liu husi talkshow, hau  atu hato’o netik liafuan ruma atu hakat ba eleisaun suku iha tinan 2024 to’o 203, primeiru ha’u hakarak hato’o katak ha’u sai suku primeiru iha manleuana iha tinan 2017 to’o agora durante tinan hitu nia laran, iha fulan abril tinan ne’e ha’u nia funsaun hotu ona, maibe, ha’u hakarak re-elitu fali tanba iha programa barak mak seidauk hala’o,  programa sira ne’ebé mak halo hela, maibé to’o agora seidauk hotu, hahu iha 2017 eleitu ba xefe primeiru ami hala’o buat lubuk ida maibé susar los, ami haka’as-an duni oinsa ho programa sira remata iha tinan ida ne’e, agora ha’u re-eleitu tan ba xefe iha programa balun atu hato’o bainhira povu fó konfiansa ba ha’u manan karik atu halo iha tinan hitu nia laran ho ha’u nia MOTO mak ha’u mai sai atan atu servi imi, laos atu sai liurai ba imi, ha’u nia Vizaun transforma komunidade ida ne’ebé moris iha paz, justisa, tranparante no fraternidade. Misaun Mobiliza sidadaun hotu, sai komunidade ida partisipativo no kontibuitivu ba dezenvolvimentu suku. Planu no programa ba iha tinan hitu mai, programa fiziku ka obra, kontinua propoin ba governu atu kontinua obra sira hanesan, PNDS ho PDIM no kontinua assegura grande projetu sira ne’ebé mak Governu sentral hala’o iha suku Manleuana. Proposta ba Governu atu konstrui fatin lixu nian iha re-identifikadu, Identifika drainazen iha suku laran ne’ebé tempu udan estraga beibeik komunidade nia hela fatin. Konserva ambiente liuhosi kuda ai oan, promove industrializasaun ki’ik sira ne’ebé komunidade iha mak hanesan, Homan, suku hena, no halo inventarizasaun ba objetu tradisional ne’ebé ho valor ekonómiku, konstrui halo rehabilitasaun no halo jestaun ba kampu hotu iha suku laran, identifika fatin konstrusaun ba kapasitasaun no formasaun ba komunidade. Planu Non Fiziku Moderniza servisu administrasaun suku nian, halo dialogu komunitaria kada fulan 6 iha nivel aldeias, hodi apresenta progressu suku nian no preokupasaun sira husi komunidade, promove tara bandu tradisional hodi hametin paz iha komunidade, sensibilizasaun ba komunidade sira hodi labele so’e fo’er arbiru, promove talento oi-oin ne’ebé mak joven sira iha, desportu, dansa tradisional, modern ka kontemporania. Loke Kompeteisaun oi-oin iha suku hodi komemora loron nasional, promove produtu lokal no negosiu ki’ik sira, Identifika sidadaun hanesan faluk, oan ki’ak no defisiénsia hodi halo proposta ba Governu no entidades sira seluk hodi bele hetan tulun ruma”.  Dehan Xefe Suku Re-kandidata Iha Estudiu Radio Comunidade         Comoro Dili.

Nia subliña tan durante nia mandatu tinan hitu liu ba kotuk suku manleuana lao zero tanba suku foun entaun laiha komputadór, mesa kadeira hodi halo servisu maibé sira esforsu-an hodi halo servisu no halo programa balun, Xefe Suku re-kandidatu ne’e promete bainhira povu fó fiar ba nafatin ba nia programa ne’ebé mak atu halo primeiru loke fatin treinamentu kursu lian English, portugés no lian Korea ba joven sira ne’ebé la reamata sira nia estudu, no halo fatin joga bola ba jovem sira tanba joven barak iha talentu kona-ba desportu nian, xefe suku re-kandidatu prontu hakruuk ba povu sira no sei rona povu sira nia preokupasaun.  

“Desafíu ha’u hetan durante primeiru harii suku zero, tanba suku foun iha 31 jullu 2017 to’o 2018 ami lao ho jero, iha uma ne’ebé mak la iha computer, kadeira armariu maibé ami esforsu an rasik hodi hola kadeira ho mesa hodi tau iha ne’eba no hetan apoiu komputer ida husi NGO balun hodi fó apoiu uza to’o agora no hetan mós husi obras publika fó apoiu halo Estrada iha manleuana to’o aldeia Leolora halo kompletu kedas, iha tinan 2020 la lao buat ida tanba covid-19 mosu halo ema barak la servisu depois programa ba ami nia suku la lao, iha 2021 ami iha programa PNDS iha suku manleuana halo primeiru mak lixu, 2023 halo Estrada sira ne’ebé mak a’at hetan estragus iha 2021 nomós pnds halo moru eskola nian, halo tanque ba komunidade sira ikus mak halo uma ho naran UKL naroman ba povu, iha manleuana hetan uma rua ne’ebé mak halo hotu ona, depois iha UKLB ne’e PNDS fó apoiu ba ami kalen kuaze atus ida resin entrega fali ba maluk sira ne’ebé mak uma kalen kuak, mai iha tinan 2024 programa lubuk ida mak ami hala’o ona  agora halo hahu husi aldeia Nemkari, Mundo Perdidu, iha ona konstrusaun Estrada ho saluran ne’ebé mak agora lao ona, ida ne’e mak ami nia programa durante tinan hitu ami hala’o, agora halo ona proposta ba Governu, iha tan PNDS nian ida kona-ba halo dalan foun iha aledia Wefaca halo ona konstrusaun lao  no atu fó apoiu rai-henek ka fatuk prepara ona depois  eleisaun hotu konstrusaun lao ba oin, programa oin primeiru mak prepara fatin sentru treinamentu ba joven, joven barak mak ohin loron eskola la hotu balun tanba inana aman osan la iha hodi eskola entaun sira halimar iha uma de’it, entaun buka atu loke fatin treinamenut ba sira, kona-ba kursu English, Portugés no lian Korea, agora hala’o ona iha fatin tolu, aldeia Leolora, Manleuana, no Aldeia Manemesak, atu prepara joga bola ba joven sira labarik sira talentu ba desportu nian, no haree ba aldeia balun ne’ebé mak dalan sei a’at, iha fatin balun mak be’e la iha ida ne’e mak ha’u nia programa ba oin kontinua karik povu fó fiar nafatin ba ha’u. Ha’u nia ohin foin tun ba halo mini kampaña hodi hato’o programa sira ne’eb’e mak ha’u prepara dadauk, atu manan ka lakon ne’e povu mak sei hili tanba buat hotu iha povu nia konfiansa, karik povu fó fiar ha’u pronto servisu, no halo tuir orden ne’ebé mak iha tinan hitu nia laran, antes tinan hitu ne’e reamata ha’u tenki fó aldeia ida tenki iha programa rua atu nune’e funsaun remata programa sira ne’e mós realiza ona, ha’u husu mós povu sira ne’ebé mak iha Suku Manleuana ne’ebé atu fó votus ba ha’u karik, atu hakruk ba sira no rona sira nia preokupasaun, durante ukun tinan hitu ha’u sei la hases husi povu nia halerik atu kalan ka loron nafatin rona sira”. Nia Remata

Jornalista : Leo Alves

Editor       : Luhamutu

Related Articles

- Advertisement -spot_img

Latest Articles

ARKIVU.
RCC.