27.3 C
Dili
Friday, 14 June 2024
spot_img

 Manan Ka Lakon Povu Mak Sei Deside Iha Loron 13 Fulan Maio

Dili, 08 Maio 2024 (RCC) – Kandidatura Xefe Suku Madohi ne’ebe mak hakat ba segundu volto, Dedi Da Costa hateten, Manan Ka Lakon, Povu Suku Madohi Mak Sei Deside Iha Eleisaun baa Segundu Volto Ne’ebé Sei Realiza Iha Loron 13 Fulan Maio Tinan 2024.

Iha entervista kandidatu xefe suku Madohi hateten, sentimentu hanesan ema umanu iha eleisaun ba segundu volto nian fiar katak sei lao ho di’ak, tanba ne’e presiza komunidade suku Madohi atu partisipa iha eleisaun segundu volto nian.

“Hanesan sentimentu ema umanu, eleisaun ne’e lao ho di’ak, presiza liu mak ita nia komunidade ne’ebé mak hela iha suku Madohi tenke tuir eleisaun, tanba ne’e hanesan dever ida ba iha sidadaun sira  ida idak atu bele ezerse sira nia direitu votu nian, no ha’u nia vizaun no misaun iha dahuluk mak hanesan “Ha’u mai la’os para atu ukun, maibé ha’u mai para atu serví”, ukun no serví ne’e nia kontestu ida ne’ebé la hanesan, ne’ebé ita hakarak sai eleitu ba suku ida ne’e, agora, ita hakarak sai hanesan atan ba povu duni, no ha’u nia polítika ha’u hakarak implementa , programa hitu, i ha’u la’os ko’alia kona-ba ukun ida ho hanoin, maibé ukun ida ho programa, no ha’u nia polítika mak ida ne’e, se hakarak iha mudansa, hamutuk  vota ba ha’u, se hakarak lakohi mudansa bele fila fali ba ita nia xefe suku ne’ebé mak sesante.” Hateten nia

Kandidatura ne’e salienta tan katak, iha nia programa atu minimiza konflitu hirak ne’ebé agora suku Madohi hasoru hodi nune’e bele garantia ba paz no estabilidade iha suku laran

“Programa ida ne’e, ita ultrapasa ida ba ida, maibé programa ne’e realiza tanba seidauk eleitu de’it mós ha’u hetan kna’ar no fiar husi igreja ne’ebé mak sai hanesan mata-dalan ba komunidade hotu, husi programa hitu ne’e ha’u hakarak esplika kle’an liután, ha’u foti ninia rezumu badak ida, ita kria estabilidade ne’ebé mak iha ema nia matan no hanoin, tilun rona mai iha suku, matan ne’ebé sempre hateke mai iha suku Madohi ne’e katak, gráfika ida konflitu ne’e a’as teb-tebes, oinsá mak ita atu minimiza buat ida ne’e, presiza ita nia kolabora hodi servisu hamutuk ho joventude sira, hodi tun ba iha baze para halo sosializasaun, para oinsá bele garantia ba paz no estabilidade ba ita nia bairu rasik no iha suku ida ne’e.” nia dehan

Kandidatura ne’e deklara tan katak, nia fiar a’an sei manan iha eleisaun ba segundu volto nian maibe hein desisaun iha povu nia liman

“Hanesan joven ida tenke sai motivasaun ne’ebé ke di’ak, kontestu  hanesan fiar a’an, ha’u fiar ha’u nia a’an katak ha’u sei manan, maibe, eleisaun ida ne’e direitamente ho povu, povu rasik iha suku Madohi mak bele deside, tantu ha’u manan no tantu ha’u lakon, no hanesan sidadaun ida ne’ebé mak di’ak, sidadaun ida ne’ebé mak maduru tenke kopera ho xefe suku sesante ne’ebé mak agora povu tau fiar ba ne’e.

Jerasaun foun ne’e afirma tan katak nia sei nafatin kopera ho xefe suku hodi servisu hamutuk, karik nia la manan iha eleisaun ba segundu volto.  

“ ha’u hatene no espera katak, xefe suku mesak de’it mós labele i ha’u mesak de’it mós labele, maibé presiza ita nia hamutuk, hodi servisu hamutuk no kopera hamutuk atu nune’e ita bele hetan nia solusaun di’ak ba ita nia suku rasik,  iha suku ida ne’e ha’u hakarak kria fatin lixu, ema dehan aldeia mo’os no saudavél, aldeia mo’os ne’e oinsá, aldeia mo’os ne’e ita tenke kria fatin lixu, iha fatin-fatin, ne’ebé mak aldeia presiza ba, dahuluk  ita tenke identifika fatin ne’ebé mak presiza atu halo ba.”  Nia hatutan

 Enkuantu, Kandidatura ne’e mós husu ba joven no inan aman sira ne’ebé mak pertense ba iha suku Madohi atu ezerse sira nia votus iha loron 13 fulan Maio tinan ne’e, hanesan loron importante  ba suku madohi no mos  sidadaun sira ida idak atu  ezerse imi nia direitu  votus ne’ebe mak konsagra ona iha republika demokratika timor leste hateten iha artigo 47,  iha nu, 1 ou 2  katak iha direitu atu hili no  ema  hili nian, no hanesan dever siviku ida  .” Nia hakotu.

Jornalista estajiada : Adelia Mendonça

Editor : Luhamutu

Related Articles

- Advertisement -spot_img

Latest Articles

ARKIVU.
RCC.