Dili, 03 Maio 2024 (RCC) – Kampung Barru Fatin Ne’ebé Diak ba Vendedor Marcos No Adriano Atu Buka Osan Hodi Suporta Oan Sira Nia Eskola no mos Sustenta ba Nesesidade Uma Laran no Kultura.
Iha entrevista vendedor Marcos da Costa hateten, nia fa’an modo iha kampung barru tanba kampu traballu laiha, ne’e mak nia hodi fa’an modo hodi sustenta uma laran no haruka oan sira ba eskola.
“Ami fa’an modo tanba kampu traballu laiha, tan ida ne’e mak fa’an modo atu sustenta ami nia oan sira ba eskola, ami komesa fa’an modo husi tinan 2017 to’o agora 2024 uluk hahu husi 2017 sa’e mai to’o 2020 ne’e loron ida 50 dolar ou 60 dolar, mais agora ne’e laiha ona, agora duni ema iha fatin-fatin ema mai hotu fa’an modo iha ne’e, agora ne’e loron ida ami hetan mak 10 dolar tun mai kraik, la hanesan uluk ona, no orsamentu ne’ebé kada loron ami hetan ne’e mak atu sustenta uma laran no haruka oan sira ba eskola, iha tinan hirak liu ba ne’e sufisiente ba ami, mais agora ne’e araska oituan tanba merkadu sobu hotu ne’ebé ema mai konsetra hamutuk hodi fa’an modo iha Kampung Barru nian, no impaktu ne’ebé ami hetan mak kareta macet liu, ami nunka rona malu, no fiar malu, no kolega balun lakoi fa’an iha garis puti kotuk, maibé, balun mai liu iha Estrada ninin, ne’e mak fo impaktu ba movimentu sira, tan ne’e mak dala barak ema seguransa sira mai duni ami”, hateten vendedor Marcos
Nia rekomenda ba parte governu katak hasai sira husi fatin refere tenke kria fatin ne’ebé diak ba sira atu nune’e sira fa’an modo ho hamatek.
“Ami rekomenda ba governu katak hakarak hasai ami husi kampung Barru, tenki kria fatin ida, atu ami bele fa’an hakmatek iha ami nia fatin, nune’e labele duni ami loro-loron hanesan asu, no tenke prepara fatin ne’ebé ho kondisaun diak ba ami atu fa’an, no fatin ne’ebé mak governu promete to’o agora seidauk realiza, mais sira hakarak, governu lori sira ba merkadu, maibé merkadu ohin loron, ami hein to’o agora mós seidauk iha”, nia haktuir
Iha sorin seluk vendedor Adriano Fernandes Maia hateten, nia fa’an modo atu suporta oan sira ne’ebé mak eskola iha smp, sma, no universidade no balun uza ba halo kultura.
“Ha’u fa’an modo tanba suporta oan sira ba eskola no sustenta ba nesesidade uma laran hanesan han hemu, no hare’e labarik ki’ik sira ne’ebé mak sei eskola iha SMP, SMA, no UNIVERSIDADE ne’e mak ha’u hodi buka moris, hahu fa’an modo iha tinan 2000 to’o mai ohin loron, no orsamentu ne’ebé kada loron ha’u hetan ne’e atu uza ba han hemu, suporta oan sira ba eskola no uza balun ba halo kultura no liu-liu ba parte lia nian, kada loron diak ida hetan rendimentu mak 20 dolar no 30 dolar, loron hanesan bai-bain 15 dolar tun mai 10 dolar no fatin ne’ebé ami fa’an ami senti la kontente tanba, loro-loron walikota sira mai duni ami, maibé ami koko nafatin hodi naran fa’an iha dalan ninin atu nune’e bele hetan netik osan hodi suporta oan sira ba eskola, no problema ne’ebé mak loro-loron hasoru mak walikota sira mai duni ami, atu nune’e labele fa’an iha fatin refere, maibé, ami nafatin koko hodi fa’an nafatin, no sira hato’o sira nia preokupasaun ba parte sekretariu estadu SEATOU atu prepara fatin ba ami, maibé to’o agora seidauk realiza, ne’ebé maski sira duni ami ami, maibé nafatin hodi fa’an”, Nia hakotu Adriano
Jornalista estajiada : Franciana Dos Santos
Editor : Luhamutu
