27.3 C
Dili
Friday, 14 June 2024
spot_img

Sérgio ho Leonardo iha inisiativa rasik loke rentál hodi selu Escola no sustenta necesidade uma laran

Iha intervista, Sérgio Soares da Conceição ba jornalista RCC hateten, relasiona ho nia área estudu kona-ba informátika , deside hodi loke rasik rental .

“Ha’u hanesan joven ida  relasiona ho ha’u nia estudu, halai liu ba komputador, kona-ba sasan  eletroniku sira, entaun buat sira ne’e mós bele motiva ha’u hodi loke rental. no ha’u hahu loke rental foin tinan ida atu ba tinan rua, mas falta fulan hitu ou fulan walu mak foin ba tinan rua, no  orsamentu kada loron depende ba konsumidor sira, kada loron dala ruma hetan $ 20, bele mós liu, depende ba konsumidor sira. Orsamentu ne’ebé hetan em primeiru ha’u hanesan vida estudante, ha’u iha orsamentu ne’ebé ha’u hetan, dala ruma ha’u utiliza hodi selu ha’u nia propinas kada semestre nian, i mós uza hodi kompra ba sasan  sira ne’ebé mak presiza iha rental nian, i ba mós ba uza ba vida loro-loron nian”, nia haktuir.

Sérgio Soares husu ba jovem sira tenke kreativu, no sai hanesan joven ida ne’ebé iha hanoin ne’ebé bele halo kontribuisaun ba nasaun,“ita labele husu de’it ba governu katak hanesan ne’e, maibé, ho buat ne’ebé mak ita aprende no buat ne’ebé mak iha ita tenke aplika”.

 Iha sorin seluk , Leonardo Moniz da Costa hateten, nu’udar joven tenke iha vontante ba esperiénsia ne’ebé iha hodi kria servisu ba ita nia a’an rasik.

“Prosesu ba hahu loke rental mak ba da-uluk, ha’u servisu hamutuk ho rental ida naran lafaek iha tinan 2014, no rental refere taka tiha iha tinan 2017, iha ne’e ha’u halimar iha de’it durante tinan ida nia laran,  hafoin iha tinan 2018 ha’u nia bin iha osan oituan ho inisiativa rasik ho nia moto hamri’ik mesak hodi hala’o servisu rasik. Tamba ne’eha’u nia bin iha hanoin rasik hodi loke rental, laiha emaida mak motiva ha’u nia bin hodi loke rental refere ne’e laiha, hafoin ida ne’e ha’u mós iha esperensia oituan  kona-ba servisu rental nian, entaun ha’u ajuda ha’u nia bin hodi servisu iha bin nia rental refere, no orsamentu ne’ebé loro-loron ha’u hetan, depende ba ema, di’ak ida loron ida hetan $ 80 ou $ 70, karik ema ladun mai entaun hetan $ 50 tun mai kraik, no fatin ne’ebé ami loke rental aluga ema nian, kada fulan ida ami selu $ 400,  ba staff sira ne’ebé mak servisu iha ne’e, kada fulan selu $ 50 ou $ 60 de’it”, dehan nia.

Leonardo haktuir orsamentu ne’ebé kada loron hetan hodi sustenta uma laran no selu alin sira nia eskola.

Nia mós husu ba joven sira hodi kria serbisu ba aan rasik,“ha’u nia mensajem ba maluk joven sira, karik iha esperiénsia kona-ba rental nian iha, bele iha inisiativa rasik hodi loke rental ou bele kria servisu seluk”,nia hakotu.

Jornalista estagiária : Franciana Dos Santos

Editor: Luhamutu

Related Articles

- Advertisement -spot_img

Latest Articles

ARKIVU.
RCC.