27.3 C
Dili
Friday, 14 June 2024
spot_img

Komunidade Suku Bebonuk La Satisfas Ho Elisaun Suku Agora Kompara Ho Elisaun Suku  Periodu Ida Uluk

Dili 27 Abril 2024 (RCC)- Komunidade Juela Ho Paulo Husi  Aldeia 20 Setembru Suku Bebonuk Post Administrative Don Aleixo Munisipiu Dili La Satisfas Ho Elisaun Suku Ne’e Agora Dadaun Hala’o La Hanesan Ho Elisaun Suku Periodu Ida Uluk  Tamba Foto No Tinta La Iha. 

Iha intervista ho  komunidade Juela Gama De Jesus  hateten ba jornalista RCC iha sentru votasaun  Bebonuk katak, nia sente konfusaun ho elisaun ida ne’e  tamba tinta la iha no kadidatura xefe aldeia, delegadu ho delegada sira nia foto la iha.

“Ohin hau tama ba vota senten  konfusaun los  tamba  iha ne’eba iha kotak barak ho HVS tahan tolu, xefe suku sira nian ketak no xefe aldeia sira nian ketak no mos delgadu ho delgada nian mos ketak tamba nee  hau  sente konfusaun nune’e mos xefe aldeia sira nia foto mos la iha no antes nee sira fo ona exemplo maibe hau ladun kompriende tanba ne’e hau vota tuir saida mak hau hatene no hili tuir hau nia hanoin deit tanba foto la iha, nune’e mós ba iha tinta nian  bain-bain ita vota  sai mai sempre tinta iha atu ita hanehan liman maibe ohin la iha, tamba ne’e bele fo impaktu mai ami komunidade sira bele vota dalarua ka tolu tamba de’it tinta la iha, tamba ne’e ami husu ba CNE atu tau atensaun ba buat sira ne’e atu nune’e ema labele halo manipulasaun iha tempu vota.”hateten Juela.

Iha fatin hanesan komunidade Paulo Ximenes Dias salienta tan katak, iha elisaun ida ohin fo impaktu tebes ba sira tamba foto kandidatura nian la iha no tinta mos la iha maibé sira hanesan komunidade halo tuir de’it saida maka estadu hatun mai.

“Relasiona ho tinta ho foto ne’ebé maka la iha ida ne’e program husi STAE no CNE ami komunidade hanesan halo tuir de’it saida maka estadu hatun mai maibe fo impaktu tebes mai ami komunidade tamba ami balun la hatene hakerek no le’e no  foto la iha ami la bele hatene no ami vota tuir de’it saida mak ami hatene, ne’ebé ami husu ba estadu halo nusa atu periodu tuir mai ema ida ne’ebé maka kandidatu a’an ba xefe aldeia, delegado delegada  no xefe suku tenke tau foto hanesan labele tau de’it xefe suku nia foto  no xefe aldeia ho delegadu delegada nia foto la tau, ida nee bele fó impaktu ba komunidade sira ne’ebé  la hatene le’e no hakerak tamba liu husi foto ne’e maka sira bele identifika ema ne’ebé maka sira hakarak atu hili sai sira nia xefe aldeia ka delegadu no delegada se foto la iha hakara lakohi sira naran hili arbiru de’it tamba sira la hatene le’e no hakerek.” Hakotu Paulo.

Jornalista : Anita Vaz  Adelia Mendonça

Editor : Luhamutu

Related Articles

- Advertisement -spot_img

Latest Articles

ARKIVU.
RCC.