25.7 C
Dili
Thursday, 20 June 2024
spot_img

Tinta La Iha  Difikulta Ba Komunidade Suku Madohi

Dili 27 Abril 2024 (RCC)- Vontante Suku Madohi Posto-Administrativu Dom-Aleixo  Munispiu Dili Preokupa Ba Tinta Iha Eleisaun  Suku Nian La Iha Hodi Difikulta Vontante Sira Bele Vota Dalarua.

Iha entrevista votantes Domingos Ximenes hateten, senti triste bainhira ba vota la iha tinta hodi difikulta sira iha eleisaun suku agora ne’e, tanba la iha halo ema id abele ba tuir votasaun dalaru ka tolu.  

Agora la uza tinta  hanesan ne’e ema ida  vota dala rua ka tolu, tanba mai ne’e hakerek de’it naran , la iha tinta  entaun  komunidade sira bele  vota double selae sira hili tuir sira nia  hakarak de’it, ladun di’ak maka xefe aldeia ho delegadu/a sira nia foto la iha, naran hakerek de’it ne’e hanesan orsida tia tiu sira ne’ebé mak la eskola ne’e orsida hili sala barak iha xefe aldeia ho delegadu/a tanba naran de’it so ema eskola mak bele hatene lee ferik katuas sira lee lahatene ne’e saida orsida sala barak mak ida ne’e, eleisaun ladun di’ak ida”. Informa Domingos iha sentru votasaun Suku Madohi 

Domingos hanesan Votantes husu xefe suku ne’ebé mak liu iha eleisaun agora tenki resolve komunidade sira nia preokupasaun kona-ba desenvolvimentun la lao no suku Madohi tomak be’e mós la iha

“ami hakarak  atu hili ne’e sira atu hadia ami nia suku  no aldeia iha ami nia suku  laran ne’e, ami nia suku agora sedauk iha  desenvolvementu, tamba bee mós la iha ho tan ami nia dalan  tama mai laran kintu kantu  ne’e  agora hadia aat liu nunka mai hadia  pnds iha ne’e mós agora nia tua sae ne’e seidauk hadia di’ak, ami nia dalan iha ne’e aat no  tahu barak liu  tun ba sorin sira ne’e mós tahu hotu de’it to’o  agora ne’e  nunka hadia , ne’e husi suku madohi tomak  bee mós la iha ne’e uluk kedas mai halo  ponte iha ne’e, ponte  cplp mai halo kotu to mai agora suku madohi bee la iha ”.  Tenik Nia

iha sorin seluk Lorenҫa lemós de Oliveira hateten nia senti kontenti bainhira tuir eleisaun suku tinan ne’e, tanba ne’e husu xefe suku ka aldeia ne’ebé mak liu eleisaun agora tenki kria dame no paz iha suku madohi, lakoi mosu problema iha suku laran hakarak moris hakmatek, maske foto la iha maibé hili tuir de’it numeru ne’ebé mak tau ona.

Ami senti kontenti hodi hili  xefe suku no xefe aldeia foun, tanba ne’e ami povu hakarak moris kontente tamba ami lakoi mósu tan problema iha ami nia suku ida nia laran  no aldeia beto naroman ne’e, sé  xefe suku ho xefe aldeia foun mak hakarak lori, ami komunidade hakarak ne’e tenki moris hakmatek, tenke iha dame no paz, ami nia povu nia hakarak mak ne’e, ami lakoi hamósu tan problema iha ami nia bairo ida ne’e, suku madohi ne’e  lakohi tan ona, ami hakarak hamatek to’o iha ne’ebé de’it, ami lakoi atu komunidade atu hanoin barak, ami lakoi hela iha fatin ida orsida halai ba ida ne’e ami povu nia moris lakoi ida ne’e, hanesan buat ida karik iha ami nia laran tenki ko’alia sai no labele tau de’it iha ami nia laran foto laiha ne’e hanesan ita hili, sé karik iha numeru ita hili mak numeru ne’e, xefe aldeia  no delagadu/a mós la iha foto  so xefe suku de’it mak iha foto, ne’ebé la buat ida ne’e  mak ita nia hanoin mak hanesan ne’e ona” Dehan Lorenҫa iha sentru votasaun Suku Madohi

Tuir jornalista radio komunidade komoro nia observasaun katak, votasaun iha suku madohi lao ho di’ak maske tinta la iha maibé komunidade sira nafatin ba vota tuir sira nia konsiénsia, maske forma iha loron manas nia laran no dudu malu maibé komunidade sira pasiénsia nafatin hodi tuir eleisaun.

Jornalista : Leo Alves, Augusto Tilma, Franciana Dos Santos  

Editor      : Luhamutu

Related Articles

- Advertisement -spot_img

Latest Articles

ARKIVU.
RCC.