25.7 C
Dili
Thursday, 20 June 2024
spot_img

Votantes Suku Manleuana Konsidera Estadu Laiha Orsamentu Hodi Hola Tinta Ba Eleisaun Suku.

Dili, 27 Abril 2024 ( RCC)-  Komunidade Suku Manleuana  Postu Administrativu Dom Aleixo Munisipiu Dili Konsidera Estadu Laiha Orsamentu Hodi Hola Tinta Tamba Iha Eleisaun Suku Ba Tinan Ne’e Laiha Tinta Hanesan Tinan Hirak Ba Kotuk.

Iha entrevista ho votantes Nilton Martins De Oliveira hateten, eleisaun ida agora ne’e diferente  oituan ho tinan hirak liu ba tamba bilete de identidade no pasaporte bele uza  maibe ida agora ne’e iha mudansa tenke uza deit mak eleitoral.

 “Kona-ba hau nia observasaun ba iha eleisaun ida ne’e di’ak maibe menus husi partisipasaun husi komunidade no sistema eleisaun ida agora ne’e diferente  ituan ho tinan hirak ne’ebé liu ba tamba iha tinan  hirak ba kotuk ne’e bilete de identidade no pasaporte bele uza  maibe ida agora ne’e iha mudansa tenke uza deit mak eleitoral hau la hatene tamba saida ne’e sistema tekniku nian, kona-ba  tinta ne’e ida ne’e sai preokupasaun ida tamba ema bele halo manipulasaun ba votus, ema ida bele vota dalarua ka dalatolu tamba sinal ruma laiha ema nia liman, no ha’u la hatene estadu mak laiha orsamentu atu tau hodi hola tinta, tamba buat ida hanaran eleisaun ne’e atu iha nivel aldeia ka to’o iha parlamentu ne’eba tenke iha tinta, la hatene  nusa mak la preve orsamentu ida ne’e.” dehan nilton iha sede suco manleuana.

Nia akresenta tan katak iha aldeia lemo kari laiha xefe aldeia ida mak compete ho xefe aldeia atual entaun ida ne’e halo sira ulun la moras hodi hili lideransa.   

 “Iha eleisaun ida ne’e diferente ituan tamba iha ami nia aldeia lemokari ne’e xefi aldeia kandidatu laiha entaun nia mesak de’it entaun ida ne’e halo ami komunidade ulun la moras tamba ami halo eleisaun ba iha suku deit maibe iha aldeia seluk ne’e iha kandidatu sira entaun ida ne’e mak sei halo komfuzaun hela, ne’e duni komunidade sira tenke mai fo nia direitu hodi bele haree no hili lideransa karik aban bainrua nia halo buat ne’ebé la diak ita bele kritika sira, tamba agora dadaun iha suku manleuana kandidatu ba xefe suku ne’e iha nain ha’at hanesan xefe suku atual ho sira nain tolu sira seluk” nia imforma.

Iha sorin seluk abilio marsal dias  hanesan votantes hateten  komunidade barak balun komprende no balun mos la komprende ba iha buletin de votus ne’ebé husi  kandidatu xefe suco sira iha fotografia no husi fali kandidatu xefe aldeia nian laiha fotografia.

“hanesan komunidade hau nia haree  ba iha eleisaun ne’ebe iha tinan kotuk  liu ba ne’e manleuana  seidauk sai suku ami sei tama ba suku comoro ho bairo pite  ne’e duni agora diferente ituan tamba hili chefi suco, chefi aldeia , delegadu no delegada sira, ne’ebé diferente ituan ba komunidade barak balun komprende no balun mos la komprende ba iha buletin de votus ne’ebé iha, tamba husi  kandidatu xefe suco sira iha fotografia no husi fali kandidatu xefe aldeia nian laiha fotografia ida ne’e mak ita nia komunidade barak seidauk komprende, kona-ba tinta ne’ebé la uza ne’e regra husi stae bainhira hanesan eleisaun iha presidente no parlamentu ne’e ita uza tinta maibe iha iha eleisaun suco ne’e la uza tinta ida maibe buat hotu la’o diak tamba ita iha aldeia ida ita hatene malu hela kona-ba  se mak eleisaun ona no se mak seidauk ne’ebé laiha problema ba tinta ida ne’e maibe ita iha problema deit konaba voletin de votu ne’ebé laiha fotografia ida ne’e mak problema ba komunidade sira tamba balun lee la hatene. Kona-ba komunidade sira ne’ebé hela iha suco manleuana ne’e balun sei tama ba suku comoro ho suku bairo pite entaun iha ne’e ita haree ba sira ne’ebé tama ba suco manleu.” Nia hakotu.

Jornalista : Sergio Borges, Romana Salsinha, Agostinha Soares

Editor: Luhamutu

Related Articles

- Advertisement -spot_img

Latest Articles

ARKIVU.
RCC.